Mindi

Mindi
Godhong, Kembang lan Woh
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Sapindales
Famili:	Meliaceae
Génus:	Melia
Spésies:	M. azedarach
Jeneng binomial
Melia azedarach L.
Sinonim
Melia australis Sweet Melia candollei Sw. Melia japonica G.Don Melia sempervirens Sw.

Mindi minangka sawijining tetuwuhan saka kulawarga Meliaceae. Wit iki ing basa Latin sinebut kanthi jeneng Melia Azedarach iki bisa tuwuh nganti dawa 20 mèter lan wujudé kanopi kaya payung mahkota. Godhong Mindi majemuk selang-seling kanthi dawa 15-25 cm. Anak godhong wujude lansét kanthi pinggiran mucuk eri. Godhongé werna ijo tuwa lan lunyu. Kembang Mindi majemuk werna ungu lan arum gandané. Woh Mindi kalebu woh wuni werna ijo enom utawa kuning.

Ékologi

Woh Mindi asalé saka Amerikah lor. Banjur nyebar ing Amerika kidul tlatah Virginia, Texas Kulon nganti Pulo Hawaii. Nganti saiki. Wit Mindi kasebar ing Negara tropis saendhenging donya. Ing indonésia ditemokaké ing Pulo Jawa sing pigunané kanggo eyup-eyup ana pinggiring sawah utawa tegalan. Wit iki bisa tuwuh masiya ing tlatah kang kurang udan utawa banyuné.

Kandhutan kimia

Godhong lan woh Mindi ngandhut melianone, melianidol, ohchinine lan ohchimol. Senyawa iki bisa mbebayani tumrap wong lan kéwan utamané sing mangan suket. Sepisanan ditemokaké nalika ana kéwan kang ora sengaja mangan godhong Mindi. Pratandha keracunan ya iku kéwan dadi ganas, lambé metu unthuké, kejang-kejang banjur mati. Menawa kepangan dening manungsa, pratandha keracunan ya iku mumet, kembung, muntah lan mencrèt.

Gladri

• 
  Wit kang ngembang
• 
  Godhong Mindi
• 
  Woh mindi

• 
  Kembang lan Woh Mindi
• 
  Kembang mindi
• 
  Galihing mindi