Ménaka: Béda antara owahan

Sawijining dina, dheweke diutus déning [[Indra]], Raja para [[Dewa (Hindu)|Dewa]], supaya nggagalake tapa kang ditindakake déning [[Wiswamitra]]. Nanging dheweke dadi wedi nindakake tugase kanthi dhewean, amarga dheweke ngerti yenyèn kutukane [[Wiswamitra]] kang lagi nesu medeni banget. Pungkasane Indra njamin yenyèn dheweke dikancani déning Dewa [[Bayu]] lan Dewa [[Kama]]. Sawise yakin kanthi jaminan [[Indra]], Menaka numuju ing papan partapaan [[Wiswamitra]].

Sawise teka ing papan patujon, Dewa [[Bayu]] nyebarake wewanginane Menaka kanggo mancing asmara [[Wiswamitra]]. Sawise Wiswamitra melèk, Dewa [[Bayu]] nyingkap kain kang dienggo Menaka. Nalika iku, Dewa [[Kama]] manah Wiswamitra nganggo panah asmara. Pangkasane, nepsu asmara Wiswamitra thukul kanggo nyenengi Menaka. Wis pirang-pirang taun kekarone sesambungan, nanging Wiswamitra pungkasane sadar yenyèn Menaka mung sawijining godan kang diwenehake déning [[Indra]] kanggo nggoda tapane. Kanthi soroting mripat kang mancarake kamuntaban, Wiswamitra mandeng Menaka. Menaka gemetar kawedèn lan njaluk pangapura marang Wiswamitra supaya ora dikutuk, amarga dheweke mung nindakake tugas.

[[Wiswamitra]] ora ngutuk Menaka, nanging dheweke kuciwa jalaran pantangan kang wis ditaati pirang-pirang dilanggar amarga njalin sesambungan karo widadari Menaka. Pungkasane Wiswamitra lunga ninggalake Pushkara lan tumuju [[Himalaya]] saperlu nerusake tapane. Pirang-pirang versi ngandakake yenyèn Wiswamitra ngutuk Menaka supaya nglalekake sekabehe sesambungane.