Konstruksi

Konstruksi iku sawijining kagiatan mbangun sarana utawa prasarana. Jroning babagan arsitèktur utawa tèknik sipil, sawijining konstruksi uga dikenal minangka bangunan utawa satuan infrastruktur ing sawiji aréa utawa lahan.

Sawijining konstruksi gedhung pencakar langit

Senadyan kagiatan konstruksi dikenal minangka sawijining pegawéyan, nanging nyatané konstruksi iku arupa satuan kagiatan sing dumadi saka sawetara pegawéyan liya sing béda-béda.

Umumé kagiatan konstruksi diawasi déning manajer proyèk, insinyur disain, utawa arsitek proyèk. Wong-wong iki nyambutgawé ing kantor, déné pangawasan lapangan biasané dipasrahaké marang para mandhor proyèk sing ngawasi buruh bangunan, tukang kayu, lan ahli bangunan liyané kanggo ngrampungaké sacara fisik sawijining konstruksi.

Jroning prosès konstruksi umumé dianakaké perencanaan terpadu. Bab iki kagandhèng karo métodhe nemtokaké gedhéné béa sing diperlokaké, rancang-bangun, lan èfèk liya sing bakal kedadéyan wektu pegawéyan konstruksi. Sawijinig jadwal perencanaan sing apik bakal nemtokaké sukses orané sawiji pembangunan kagandhèng marang pendanaan, dampak lingkungan, kaamanan lingkungan konstruksi, kacumawisan material bangunan, logistik, gangguan publik kanthi anané pegawéyan konstruksi, persiapan dhokumèn dan tender, lan sapanunggalané.