Mumi (Mesir)

Wong-wong Mesir gawé Mumi krana wong kana percaya marang urip sawisé pati.^[1] Miturut wong-wongé déné sawusé kepatèn, manungsa dilairaké manèh lan urip langgeng ana ing alam baka. Nanging, ngono iku mung bisa kadadéan manawa jisim tetep wutuh.^[1] Kapercayan iki kena kadayan panemon mumi jalaran panemon kang ora disengaja, ditemu kéwan alasan, dijupuk maling kuburan, utawa uga pasir kang kanginan suwéné wektu.^[2]

Jenis Mumi

Mumi-mumi Mesir kuna paling lawas saumur kira-kira 6.000 taun, mung iku dudu mumi gawéané manungsa, nanging kadadéan lantaran panasé lan garingé tlatah Mesir. Nalikané jisim dikubur, lemah garing lan panas nresep kalembapan awak. Akibaté, mayit ora dadi bosok, malah garing lan dadi mumi alami.^[1]

Panemon jisim kang garing lantaran pasir (mumi alami) kang ora disengaja bokmanawa njebulaké gagasan pangawètan anggota badané pawongan Mesir. Anggitan kang awal rupané kelakon ing taun 3400 SM. Sawisé disampurnakaké lan kasebar sakabèhé Mesir, seni nggawé mumi ditrima sawijiné cara mecaki manungsa tumuju urip kang selawasé. Ora mung awak manungsa kang diawètaké, kéwan uga. Mumi manungsa paling anyar digawé kira-kira taun 400 M.^[1]

Rincian

Trap-trapan gawé mumi

Sumber utama kang dadi pituduh trap-trapané wong Mesir gawé mumi ditulis déning sawijiné panjlajah Yunani, Herodotus, kang ditulis sauntarané taun 450 SM.^[1] Prosès lekas nganti bubar butuh wektu kira-kirané pitung puluh dina.

Jasad diumbah nganggo larutan natron ana ing 'Panggon Pamurnèn' (ibu ing jero basa Mesir kuna)
Organ njero dikluwaraké: polo (dirogoh nganggo piranti plintir liwat irung), paru-paru, ati (liver), usus gedhé, lan isi weteng (dijupuk liwat sèsètan ana ing weteng sisih kiwa). Jantung lan ginjel ora dikluwaraké, kejaba ing kasus séjé.^[3]
Jasad diasataké kanthi diuyahi nganggo uyah natron kang lumrahé digunakaké nggaringaké iwak asin. Suwéné patang puluh dina diawiti dina kalimalas.
Jasad kang wis garing lan ora ana organ njeroné diisi kanthong natron, kain, lan dami supaya awak dumadi rupa asliné.
Jasad dipacaki supaya katon urip. Kulité diblonyohi lenga lan wewangèn. Ana jisim kang énthuk mripat rékan ana ing gronggongan mripaté.
Jasad diblonyohi resin cemara panas kang bakalé nyegah jisim amrih ora njamur.
Jasad dibungkus kain linen (bunthel 1).^[3]
Jasad diseleh ana duwuré papan kayu lan diblonyohi resin kang kaping pindho.^[3]
Jasad dibungkus kain linen (bunthel 2).^[3]
Jasad diblonyohi resin kang kaping telu lan dibungkus kain linen (bunthel 3).^[3]

Peti mati lan kendhi kanopik

Para priyayi dikubur nganggo peti mati kang akèhé nganti wolung lapis peti mati. Lapisan iki padha kaya bonéka Ruslan, Matyoshka.^[4] Organ njero kang wis dijupuk lan ditokaké uga digawé mumi lan disèlèh ing njeroné kendhi kanopik.^[1]

Mumi kéwan

Situs

Lembah Nil
- Abusir
- Dair al-Madinah
- Qubbat al-Hawa
- Nekropolis al-Assasif, ana ing teluk kering kang tumuju Dair al-Bahri
- Nekropolis al-Khokha
- Nekropolis al-Tharif
- Nekropolis Dra' Abu al-Naga', ana ing teluk kering kang tumuju Dair al-Bahri
- Qurnet Murai, kidulé Sheikh Abdul-Qurna
- Sheikh Abdul-Qurna, kalebu situs Dair al-Bahri
- Wadi al-Muluk
- Biban al-Harim (Wadi al-Malakat)
Ummu al-Qa'ab
Dahshur, adohé 40 km kidulé Kairo
Oasis Kharga, adohé 2 km lore Kharga
Kompleks Piramida Giza, adohé 13 km barat dayane Kairo
Saqqara, adohé 30 km kidule Kairo
Oasis Siwa, adohe 50 km etané wates Libya
Nekropolis (situs kuburan kuna) ing kutha Minya, adohé 250 km saka Kairo^[5]

Uga delengen

Rèferènsi

↑ ^a ^b ^c ^d ^e ^f Malam, John (2008). Seri Pengetahuan: Mumi . Jakarta: Penerbit Erlangga. ISBN 978-979-033-631-5.
↑ Marshall, Amandine. "On the Origins of Egyptian Mummification" (ing basa Inggris). Dibukak ing 20 Juli 2017.
↑ ^a ^b ^c ^d ^e The Mummification Process (motion picture) (ing basa Inggris). Getty Museum. 18 Agustus 2009. Kadadéan ana ing 2:43. Dibukak ing 21 Juli 2017.
↑ "Berlapis Peti Mati demi Bersatu dengan Déwa". National Geographic Indonesia . Diarsip saka sing asli ing 2014-09-15. Dibukak ing 21 Juli 2017.
↑ Niken Purnamasari (2017-05-15). "Arkeolog Temukan 17 Mumi di Kuburan Kuno Mesir". DetikNews . Kairo. Dibukak ing 21 Juli 2017. Sebanyak 17 mumi ditemukan di situs kuburan kuna (nekropolis) di kutha Minya, 250 km dari Kairo, Mesir.

[Malam-1] ↑ ^a ^b ^c ^d ^e ^f Malam, John (2008). Seri Pengetahuan: Mumi . Jakarta: Penerbit Erlangga. ISBN 978-979-033-631-5.

[Acd-2] Marshall, Amandine. "On the Origins of Egyptian Mummification" (ing basa Inggris). Dibukak ing 20 Juli 2017.

[Getty-3] The Mummification Process (motion picture) (ing basa Inggris). Getty Museum. 18 Agustus 2009. Kadadéan ana ing 2:43. Dibukak ing 21 Juli 2017.

[NGeo-4] "Berlapis Peti Mati demi Bersatu dengan Déwa". National Geographic Indonesia . Diarsip saka sing asli ing 2014-09-15. Dibukak ing 21 Juli 2017.

[detik-5] Niken Purnamasari (2017-05-15). "Arkeolog Temukan 17 Mumi di Kuburan Kuno Mesir". DetikNews . Kairo. Dibukak ing 21 Juli 2017. Sebanyak 17 mumi ditemukan di situs kuburan kuna (nekropolis) di kutha Minya, 250 km dari Kairo, Mesir.

[1]

[2]

[3]

[4]

[5]