Musiyum Gunung Merapi

Koordhinat: 7°36′58″S 110°25′28″E / 7.6161312°S 110.4243172°E / -7.6161312; 110.4243172

Musiyum Gunung Merapi punika musiyum ingkang ngandharaken babagan informasi, rèplika, lan paninggalan-paningalan saking gunung berapi ing Indonésia, mliginipun Gunung Merapi. Musiyum punika mapan wonten ing kutha Sléman, mliginipun ing Jln. Boyong, Dhusun Banteng, Désa Harjobinangun, Kacamatan Pakem, Kabupatèn Sléman, Yogyakarta ^[1], kirang langkung 5 kilomèter saking kawasan objek wisata Kaliurang ^[2].

Musiyum Gunung Merapi punika dipunyasa kanthi ancas supados dados geo-wisata Yogyakarta ingkang saged dados wahana pendidikan konservasi ingkang kelajengan sarta pangembangan ngèlmu kabencanaan gunungapi, lindhu, lan bencana sanèsipun. Musiyum punika resmi tanggal 01 Oktober 2009, lan dipunresmekaken déning Mantri Energi lan Sumber Daya Mineral (ESDM), Purnomo Yusgiantoro ^[3].

Kanthi wiyaring yasan kirang langkung 4.470 mèter pasagi ingkang jumeneng wonten ing sanginggiling siti kanthi wiyar 3,5 hektar ^[1]^[3], musiyum punika gadhah semboyan Merapi Jendela Bumi. Musiyum Gunung Merapi kapérang dados kalih lantai. Lantai kapisan punika isinipun barang-barang kolèksi musiyum ingkang kapérang malih dados ruangan-ruangan kanthi tema Volcano World, On The Merapi Volcano Trail, Manusia dan Gunung Api, Bencana Lindhu lan Tsunami, Bencana Gerakan Tanah, Diorama, Peralatan Survey, Extra-terestrial Volcano, lan fasilitas penunjang sanèsipun. Déné ingkang kantai nomer kalih punika dados gedung pamutaran filem babagan Gunung Merapi ingkang sapunika nembé ing prosès penggarapan ^[1].

Kawruh ing Musiyum Gunung Merapi

Musiyum Gunung Merapi punika saged dados sarana pendidikan, pawiyaran informasi aspek kegunungan khususipun lan kebencanaan géologi sanèsipun ingkang asipat rekreatif-edukatif kanggé masarakat umum kanthi ancas paring wawasan babagan aspek ilmiah, ugi sosial-budaya lan sanèsipun ingkang gegayutan kaliyan gunungapi lan sumber bencana géologi sanèsipun. Kajawi punika Muséeum Gunung Merapi punika paring informasi ingkang kados ing ngandhap makaten:

Informasi ngèlmiah babagan gunung, lindhu, lan geraking lemah ingkang kalebet prosès dinamika géologi.
Informasi fenomena Gunung Merapi minangka kasiling prosès géologi ingkang katingal ing bumi.
Informasi migitasi bencana gunungapi, lindhu, tsunami, geraking lemah ingkang dipuntedahaken awujud sistem monitoring, panalitèn, lan pengamatan.
Informasi sumber daya gunungapi minangka potensi ingkang saged dipun-ginakaken kanggé makmuring rakyat.
Informasi aspek sosial budaya kados ta budaya, tradisi, mitos lan sanèsipun ^[1].

Cathetan suku

↑ ^a ^b ^c ^d [1]^{[pranala mati permanèn]}, (id) Situs Kabupatèn Sléman (dipun-akses tanggal 28 Dhésèmber 2012).
↑ [2], (id) Museum Gunung Api Merapi (dipun-akses tanggal 28 Dhésèmber 2012).
↑ ^a ^b [3]^{[pranala mati permanèn]}, (id) Museum Gunung Merapi (dipun-akses tanggal 28 Dhésèmber 2012).

[merapi1-1] [1]^{[pranala mati permanèn]}, (id) Situs Kabupatèn Sléman (dipun-akses tanggal 28 Dhésèmber 2012).

[merapi2-2] [2], (id) Museum Gunung Api Merapi (dipun-akses tanggal 28 Dhésèmber 2012).

[merapi3-3] [3]^{[pranala mati permanèn]}, (id) Museum Gunung Merapi (dipun-akses tanggal 28 Dhésèmber 2012).

[1]

[2]

[3]