Musiyum Mandala Wangsit Siliwangi

musiyum ing Bandhung, Jawa Kulon

Musiyum Mandala Wangsit Siliwangi punika musiyum senjata ingkang wonten ing Jalan Lembong 38, Bandung, Jawa Kulon. Musiyum punika wiyaripun areal 4176 mèter pasagi lan wiyaripun bagunan punika 1674 mèter pasagi. Mapan wonten ing gedung ingkang naté kaginakaken kanggé markas Divisi Siliwangi kapisan ing kutha Bandung (Staf Kwartier Territorium III Divisi Siliwangi) ing taun 1949-1950 ingkang mapan ing Oude Hospital Weg (sapunika Jalan Lembong).

Musiyum Mandala Wangsit Siliwangi

Sajarah besut

Wangunan punika dipunyasa ing taun 1910 kanthi fungsinipun rumiyin kanggé Militaire Akademie Bangung sapunika yasan mau nglampahi alih fungsi dados musiyum inggih punika Musiyum Mandala Wangsit Siliwangi [1].

Minangka markas militèr, ing tanggal 23 Januari 1950 gedung punika naté dados sasaran utami serangan Angkatan Perang Ratu Adil (APRA) ing ngandhaping pimpinan Kapten Raymond Westerling. Ing prastawa mau ingkang palastra punika 79 prajurit TNI/Siliwangi kalebet Mayor Adolf Lembong. Mirsani wigatosipun nglestantunaken warisan aji-aji perjuangan dhateng para génerasi eném supados tansah eling sarta marisi tumindak ingkang ngemu aji perjuangan supados njagi bangsa tetep wutuh, awit saking punika Kodam III/Siliwangi gadhah kekajengan damel Musiyum Mandala Wangsit Siliwangi [2].

Kanggé nglampahi kekajengan punika, lajeng dipunkempalaken manéka barang koleksi ingkang ngandhut aji sajarah saking kurun wekdal antawisipun masa perjuangan kamardikan, masa perang kamardikan, lan masa salajengipun ingkang gegayutan kaliyan perjuanganipun Divisi Siliwangi lan warga Jawa Kulon [2].

Musiyum Mandala Wangsit Siliwangi punika resmi déning Pangdam III/Siliwangi kaping 8, Kolonel Ibrahim Adjie nalika tanggal 23 Mèi 1966 lan mlebet ing kategori musiyum sajarah utawi perjuangan tingkat kodam. Minangka sarana kanggé pendidikan, ing Musiyum Mandala Wangsit Siliwangi kajangkepi ugi kaliyan lukisan diorama lan ruwang audio visual kanggé muter filem dokumenter (wiwit saking taun 1990 boten dipun-ginakaken malih amargi risak) perjuangan Divisi Siliwangi lan rakyat Jawa Kulon [2].

Kolèksi besut

Barang-barang ingkang dados kolèksi Musiyum Wangsit Mandala Siliwangi punika kados ta gaman tradhisional wujud kujang, keris, pedhang, golok, tombak, panah, pedhang saking pring, lan samurai. Ugi wonten senjata api saking manéka jinis lan manéka kendharan militèr ingkang naté dipunginaken.

Koleksi sanèsipun punika piranti ingkang naté kaginakaken Divisi Siliwangi lan warga Jawa Kulon anggènipun perang kanggé njagi dhaérahipun. Kajawi punika wonten ugi foto-foto perjuangan saking masa revolusi fisik ing taun 1945 dumugi taun 1949, foto-foto Panglima Siliwangi, tandha pangkat, lencana, Panji Siliwangi, arta, peta lan sanès-sanèsipun[2].

Cathetan suku besut

  1. [1][pranala mati permanèn], (id) Museum Wangsit Mandala Siliwangi (dipunakses tanggal 22 Januari 2013).
  2. a b c d [2][pranala mati permanèn], (id) Museum Mandala Wangsit Siliwangi Siliwangi (dipunakses tanggal 22 Januari 2013).