Ngejaman Keben
Ngejaman Keben (Carakan: ꦔꦼꦗꦩ꧀ꦩꦤ꧀ꦏꦺꦧꦼꦤ꧀; basa Indhonésia: Ngejaman Keben) yaiku monumen tetenger utawa tandha wektu sing saiki mlebu ing Sistem Registrasi Nasional Cagar Budaya Archived 2023-09-28 at the Wayback Machine..
| Ngejaman Keben ꦔꦼꦗꦩ꧀ꦩꦤ꧀ꦏꦺꦧꦼꦤ꧀ | |
|---|---|
| Jeneng kang kapacak ing Sistem Registrasi Nasional Cagar Budaya | |
.jpg) | |
 Cagar budaya Indhonésia | |
| Kategori | Rerékan |
| No. Regnas | Durung ana |
| Panggonan | Dalan Ratawijayan, Kalurahan Kadipaten, Kemantrén Kraton, Kutha Ngayogyakarta, Propinsi Dhaérah Istiméwa Ngayogyakarta |
| Kang nduwèni | Kasultanan Ngayogyakarta Hadiningrat |
| Kang ngrumat | Kasultanan Ngayogyakarta Hadiningrat |
Kahanan besut
Monumen jam Ngejaman Keben ana ing Dalan Rotowijayan, Kadipatèn, Kemantrèn Kraton, Kutha Yogya sing isih sapanggon karo Mesjid Kagungan Dalem Rotowijayan, déné biyèné Ngejaman Keben ana ing pekarangan Sri Manganti sisih wétan.
Ngejaman Keben dadi monumen sing ngemu pralambang ayem tentremé masarakat Tionghoa, pegawé Gubermen, lan Kraton Yogyakarta rikala jaman pamaréntahan Sri Sultan Hamengkubuwana VIII. Monumen Ngejaman Keben dadi tetenger guyub rukun antarané masarakat sing saka manéka werna budaya wiwit wektu semana padha urip bebarengan ana ing nagari Ngayogyakarta. Déné Ngejaman Keben sing saiki dadi kagungan dalem Kraton Yogyakarta tekan sepréné isih dirumat kanthi becik iki kapérang saka pérangan paling ndhuwur yaiku lambang Kraton Yogyakarta, ngisoré jam sing bentuké bunder sing dadi tetengeré wektu, ngisor jam ana prasasti sing bentuké segi papat dawa ditulis nganggo aksara lan basa sing manéka werna, banjur ing ngisor prasasti iki ana reca Ganésa. Saiki Ngejaman Keben dikupeng pager udaraka 2 meter dhuwuré.
Isiné Prasasati Ngejaman Keben
Ana ing perangan ngisor jam ana prasasati ditulis nggunakaké aksara Jawa, aksara Cina, basa Indonesia, lan basa Inggris sing mungel;
“Penget kagungan Dalem jam nama Seinkrun, pisungsung saking paguyubanipun abdinipun Kangjeng Gubermen sarta bangsa Tiyohwa ingkang manggen ing nagari Dalem Ngayogyakarta Hadiningrat amengeti wiyosan Dalem Jumenengan tumbuk kalih windu, marengi ing dinten Senen Wage tanggal kaping 29 wulan Jumadilawal tahun Alip 1867 utawi kaping 17 Agustus 1936.”[1][2][3][4][5][6][7][8][9]
Gladri besut
-
Arca Ganésa ing Ngejaman Keben. -
Prasasti Ngejaman Keben.
.jpg)
Uga delengen besut
Rujukan besut
- ↑ "Monumen Ngejaman Keben Kota Yogyakarta, Simbol Multikultural". Ragam Wisata. Dibukak ing 22 Agustus 2020.
- ↑ Dinas Kebudayaan Daerah Istimewa Yogyakarta (2017). Ragam Penanda Zaman: Memaknai Keberlanjutan Merawat Jejak Peradaban. Yogyakarta: Dinas Kebudayaan Daerah Istimewa Yogyakarta. kc. 135.
- ↑ "Dua Ngejaman dalam Waktu dan Sejarah Berbeda". For News. Dibukak ing 26 Mèi 2022.
- ↑ "Ngejaman Jogja Memang 'Legend', Ini Dia Sejarahnya..." Kedaulatan Rakyat. Dibukak ing 22 Agustus 2020.
- ↑ "Ngejaman Keben: Bukti Harmonisasi Masyarakat Tionghoa dan Keraton Yogyakarta". Jaringan Pemberitaan Nusantara Negeriku. Dibukak ing 26 Mèi 2022.
- ↑ "Tugu Ngejaman, Hadiah Belanda yang Tak Terawat". Medcom. Diarsip saka sing asli ing 2022-06-11. Dibukak ing 28 Mèi 2022.
- ↑ "Ngejaman Keben". Balai Pelestarian Cagar Budaya Yogyakarta, Direktorat Jenderal Kebudayaan Republik Indonesia. Diarsip saka sing asli ing 2023-09-28. Dibukak ing 22 Agustus 2020.
- ↑ "Masjid Rotowijayan Saksi Sejarah Perjuangan Keraton Hadapi Penjajah". Portal Berita Pemerintah Kota Yogyakarta. Dibukak ing 26 Mèi 2022.
- ↑ "Masjid Keben, Saksi Sejarah Perjuangan Kemerdekaan dan Perkembangan Islam di Yogyakarta". Radio Republik Indonesia. Dibukak ing 26 Mèi 2022.[pranala mati permanèn]
Pranala jaba besut
| Wikimedia Commons duwé médhia ngenani Ngejaman Keben. |