Nirina Zubir

Nirina Raudhatul Jannah Zubir utawi langkung misuwur kanthi asma Nirina Zubir (lair ing Antananarivo, Madagaskar, 12 Maret 1980; umur 45 taun) inggih punika penyanyi lan artis saking Indonesia. Nirina Zubir gadhah dhuwur 158 cm. Nirina punika putrinipun Zubir Amin, diplomat senior ingkang lair ing Pariaman, Sumatera Barat.

Nirina Zubir
Lair	Nirina Raudhatul Jannah Zubir (1980-03-12) Maret 12, 1980 Antananarivo, Madagaskar
Bangsa	Indonesia
Pakaryan	Artis, Penyanyi
Bojo	Ernest Fardiyan Sjarif
Anak	Zivara Ruciragati Sharief

Film

Nirina Zubir main filem ingkang wiwitan inggih punika ing filem 30 Hari Mencari Cinta, piyambakipun sukses maragakaken paraga Gwen. Film ingkang kaping kalih kanthi irah-irahan Mirror (2005), lajeng filem Belahan Jiwa (2006). Wonten ing filem Belahan Jiwa punika, piyambakipun minangka dados paraga Baby Blue ingkang gadhah raos trauma amargi sedanipun sadherek kembaranipun, Baby Pink. Film Nirina kanthi irah-irahan Heart dipunrilis 11 Mèi 2006. Kanthi filem Heart punika, Nirina Zubir pikantuk kanugrahan minangka Ingkang maragani Utama Wanita Terbaik FFI 2006. Taun 2007, Nirina Zubir main filem Kamulah Satu-satunya kanthi dipunsutradarai déning Hanung Bramantyo. Nirina Zubir main filem Get Married (2008) ingkang ugi ndadosaken Nirina Zubir pikantuk kanugrahan minangka Ingkang maragani Utama Wanita Terfavorit versi Indonésian Movie Award 2008.

Balé Wisma

Ing tanggal 9 November 2008, Nirina Zubir dipunlamar Ernest, gitaris Cokelat. Resminipun ing tanggal 5 April 2009, Nirina sampun dados garwanipun Ernest. Nirina Zubir lan Ernest dipunparingi momongan putri, inggih punika Zivara Ruciragati Syarif ing tanggal 6 Fèbruari 2010, pukul 07.09 enjing kanthi abot 3,4 kg lan pdawa 48 cm ing RS Harapan Kita, Jakarta Barat.

Pranala njawi

• (ing basa Indonésia) Profil ing situs KapanLagi.com.
• Situs web resmi Nirina Zubir Archived 2011-03-17 at the Wayback Machine.