Noriko Fujiwara

Norika Fujiwara dhèwèké iku artis saka Jepang kang (lair ing Hyogo, Jepang, 28 Juni 1971; umur 52 taun).[1] Dhèwèké dadi ratu kasulistyan Jepang, modhèl uga aktris, tau dadi Miss Japan nalika taun 1992.[1] Dhèwèké dadi Miss Japan ing taun 1992 lan dadi modhèl èksklusif kanggo kalawarti CanCam.[1] Dhèwèké asring metu ing filem-filem, sérial TV lan uga ing iklan-iklan TV.[1]

Noriko Fujiwara
Jeneng liyaNoriko
PakaryanAktris
Jurnalis
Modhèl
Taun aktif(1992)-saiki

Fujiwara dikabaraké njalin asmara lokasi karo Andy Hug.[1] Dhèwèké palakrama karo Tomonori Jinnai ing tanggal 17 Fèbruari taun 2007 ing Ikuta Shrine ing kutha Kobe nanging ana isu babagan sakloron kang pisahan ing sasi Maret taun 2009 nganti ing tanggal 23 Maret taun 2009 sakloron kanthi resmi wis pegatan.[1]

Karir besut

Sawisé taunan dadi modhèl, Fujiwara nuli nyambut gawé dadi jurnalis lan juru ngomong internasional, kaya ta peranané nalika dadi duta Jepang-Koréa sasuwené ajang FIFA World Cup 2002, nglapuraké saka Olimpiade 2004 ing Yunani lan uga lunga menyang Afganistan lan nindakaké pamèran foto ing kana.[1] Fujiwara sadurungé tau dadi panata acara kanggo K-1 ing acara utama nganti taun 2006 kang akiré digantèkaké déning Waka Inoue.[1]

Fujiwara ngentongaké sawulan kanggo acara kulawarga ing Amérika lan kanggo nerusaké sinau basa Inggris.[1] Dhèwèké duwé pepénginan manawa mengko dhèwèké bakal bisa mèlu meranaké ing filem kang basané Inggris lan diprodhuksi déning perusahaan filem saka Amérika utawa Inggris.[1] Dhèwèké wis nglamar kanggo filem kang nganggo basa Inggris, "China Strike Force".[1] Ing taun 2007, dhèwèké nekani India kanggo nggawé filem dhokumèntèr kang judhulé "Super 30".[1]

Fujiwara uga olèh peran utama ing filem "Great Teacher Onizuka". Ing filem mau dhèwèké meranaké tokoh ing filem kang sèmi romantis iki bebarengan karo Sorimachi Takashi.[1] Taun 2002 dhèwèké dadi wakil Goodwill kanggo turnamèn World Cup taun 2002 ing Koréa/Jepang.[1] Dhèwèké uga tau dadi modhèl ing fashion tv.[2]

Filmografi besut

Film-filem kang tau dibintangi Noriko:

  • 2010 CHANCE
  • 2009 GYNE
  • 2009 TSURE GA UTSU NINARIMASHITE
  • 2008 HIMITSUNA OKUSAN 3: IKEMEN HOSUTO SATSUJIN JIKEN
  • 2007 OISHII GOHAN: KAMAKURA KASUGAI KOMETEN
  • 2007 HIMITSU NA OKUSAN 2: KYÔTO GION NO MAKI
  • 2006 HIMITSUNA OKUSAN
  • 2006 ROMANCE NOVEL
  • 2006 59 BANME NO PROPÔZU
  • 2006 DAMENS WALKER
  • 2005 OH OKU HANA NO RAN
  • 2004 KEKKON NO KATACHI
  • 2003 ANATA NO JINSEI OHAKOBISHIMASU
  • 2001 STAR STRUCK
  • 2001 MUKASHI NO OTOKO
  • 2000 SPY_N NORIKA FROM ASIA
  • 2000 OKUMAN CHÔJA TOKEKKON SURU HÔHÔ
  • 1999 GTO
  • 1999 KIKEN NA KANKEI
  • 1998 WITH LOVE
  • 1998 AKIMAHENDE
  • 1997 CAT'S EYE
  • 1997 SORE GA KOTAE DA!
  • 1997 NINGEN ISU
  • 1997 HITOTSU YANE NO SHITA 2
  • 1997 LOVE GENERATION
  • 1995 HANA YORI DANGO

Cathetan sikil besut

  1. a b c d e f g h i j k l m n biografi Noriko Fujiwara diundhuh tanggal 22 Agustus 2011
  2. fashiontv Noriko Fujiwara Archived 2011-07-01 at the Wayback Machine. diundhuh tanggal 22 Agustus 2011