Oli

Oli utawa pelumas ya iku sawijining golongan dat kimia kang diasilaké saka olahan lenga bumi. Oli nduwéni wujud cuwèr. Oli lumrahé diwènèhaké ing antarané barang kang obah, gunané kanggo ngurangi gaya gèsèk supaya ora seret. Oli iku fraksi asil destilasi lenga patra kang duwé suhu 105-135 derajat celcius. Oli nduwéni fungsi dadi lapisan pelindhung kang misahaké loro lumah kang duwé gayutan. Lumrahé oli kasusun déning 90% lenga dhasar lan 10% dat tambahan. Oli kang paling kerep digunakaké ya iku oli mesin kang dianggo ing mesin pembakaran njero.

Oli

Kode SAE

Salah sawijiné karakteristik oli bisa dideleng saka kenthelé oli. Kakenthelan bisa diarani vikositas. SAE utawa Society of Automotive Engineer ya iku lembaga standadisasi kaya ta ISO, DIN utawa JIS. Nanging SAE iku lembaga standardisasi mirunggan ing babagan otomotif. Vikositi ya iku kamampuan laju liquid. Ing Oli pelumas diarani lube oil grade. SAE nguji iki ing temperatur kang wis ditemtokaké saéngga dikenal anané oli multi grade 10W40,20W50, lan oli monograde kaya ta SAE 20, 40.

Vicosity Index utawa VI ya iku ékan kanggo ngukur oli bisa awét kenthel nalika ana ing temperatur kang dhuwur utawa cendhek. Sangsaya dhuwur aji VI, oli sangsaya bisa tetep kenthel ing temperatur kang dhuwur utawa cendhèk. Kode SAE duwé teges tumrap oli utawa pelumas.

• Kenthele oli ngacu ing lembaga SAE miturut tabél SAE J 300 taun 1999.
• Ana kurang luwih 30 jinis kenthelé oli miturut SAE, jinis mau kaya ta SAE 40, SAE 10w, SAE 20w50,SAE 15w50, SAE 10w40,SAE 15w40.

Pranala njaba

• U.S. Army Corps of Engineers grease definition and application guide (PDF file)

New location: Navigate to USACE Home > [Publications] > [Engineer Manuals] > [EM 1110-2-1424 Lubricants and Hydraulic Fluids]

• U.S. Army Corps of Engineers grease definition and application guide (PDF file)
• The Grocer's Encyclopedia online.
• Interflon USA Archived 2019-11-07 at the Wayback Machine. "What is the difference between oil and grease?"