Papan Anggegana Internasional Kuala Namu
Papan Anggegana Internasional Kuala Namu inggih punika salah satunggaling papan anggegana énggal kanggé kutha Medan, Indonesia. Lokasinipun minangka bekas areal perkebunan PT. Perkebunan Nusantara II Tanjung Morawa, dumunung ing Kuala Namu, Désa Beringin, Kacamatan Beringin, Kabupatèn Deli Serdang. Kuala Namu badhé nggantosaken Papan Anggegana Internasional Polonia ingkang sampun gadhah yuswa langkung saking 70 taun. Nalika pungkasan kabangun, Kuala Namu dipunpangajabi saged dados papan anggegana pangkalan transit internasional kanggé kawasan Sumatra lan sakitaripun, badhé dados papan anggegana paling ageng angka kalih ing Indonesia sabibaripun Papan Anggegana Internasional Soekarno-Hatta. Karantam bilih papan anggegana punika badhé dipunresmikaken wonten ing wulan Maret 2013.[1]
Papan Anggegana Internasional Kuala Namu Bandar Udara Internasional Kuala Namu Kuala Namu International Airport | |
|---|---|
 Papan Anggegana Kuala Namu | |
| Ringkesan | |
| Jinis papan anggegana | Publik |
| Kang nglakokaké | PT Angkasa Pura II |
| Ngladèni | Medan |
| Pernah | Deli Serdang |
Latar Belakang Pambangunan
besut
Pamindhahan papan anggegana dhateng Kuala Namu sampun karantam wiwit taun 1991. Wonten ing kunjungan kerja dhateng Medan, Azwar Anas, Mantri Perhubungan nalika iku, ngendika bilih saperlu kaslametan penerbangan, papan anggegana badhé dipunpindhahaken ing njawi kutha.[2]
Pembebasan lahan
besutRancangan yasa ingkang sampun dangu kénging kendhala prakawis pembebasan lahan ingkang dèrèng pungkasan. Dumugi Juni 2006, nembé 1.650 hektar lahan ingkang sampun beres (sampun beres wiwit 1994), déné lahan ingkang dipundunungi 71 kepala kulawarga sanèsipun taksih dipunrembag, nanging nalika November 2006 dipunlaporaken bilih Angkasa Pura II sampun mungkas sadaya pembebasan lahan.[3]
Pangangkutan
besut
Pambangunan Tahap I dipundhereki ugi déning pambangunan jalur kreta saking Stasiun Aras Kabu ing Kacamatan Beringin dhateng papan anggegana ingkang jarakipun antawis 450 mèter. Stasiun Aras Kabu piyambak kahubung dhateng Stasiun Medan kanthi jarak 22,96 km. Dipunprakirakaken jarak tempuh saking Medan dumugi Kuala Namu antawis 16-30 menit.[4][5]
Jembar Papan Anggegana lan Kapasitas
besutTahap I papan anggegana dipunprakirakaken saged nampung 7 dumugi 10 yuta panumpang lan 10.000 pergerakan pesawat per taun,[6] déné pungkasanipun tahap II papan anggegana punika karantam saged nampung antawis 25 yuta penumpang per taun.
Wiyar terminal panumpang ingkang badhé kabangun sakitar 6,5 hektar kanthi fasilitas area komersial antawis 3,5 hektar lan fasilitas kargo antawis 1,3 hektar. Papan Anggegana International Kuala Namu gadhah dawa landas pacu 3.750 mèter[7][8], lan saged dipundarati déning pesawat ingkang ageng kalebet Airbus A380.[7]
Cathetan suku
besut- ↑ "New Airport Under Construction: Medan, Sumatra" Archived 2021-08-03 at the Wayback Machine., 4 Juli 2006
- ↑ "Lahan Calon Papan Anggegana Kuala Namu Telantar", KOMPAS, 5 Agustus 2003
- ↑ "Pemprovsu akan Terus Awasi Tahapan Pembangunan Papan Anggegana Kuala Namu" Archived 2007-09-27 at the Wayback Machine., Analisa, 8 November 2006
- ↑ "Presiden SBY dan Wapres JK Tinjau Lokasi Papan Anggegana Kuala Namu Awal Juni 2006" Archived 2007-09-28 at the Wayback Machine., Sinar Indonesia Baru, 4 Mèi 2006
- ↑ "Warga Sekitar Harapkan Pekerjaan" Archived 2007-09-29 at the Wayback Machine., KOMPAS, 29 Juni 2006
- ↑ "VP to lay down corner stone of Kuala Namu airport development", ANTARA, 19 Juni 2006
- ↑ a b Jakartapost - kuala namu must be ready 2012
- ↑ http://www.thejakartapost.com/news/2011/04/25/land-clearing-ignites-inevitable-conflict.html