Pasar Kartasura
Pasar Kartasura ya iku sawijining pasar sing dumunung ana ing Kecamatan Kartasura, Kabupatèn Sukaharja (Sukoharjo), Provinsi Jawa Tengah. Pasar iki peneré ana ing wetan tugu Kartasura. Pasar iki bukak wiwit esuk nganti soré. Wayah ramé nalika esuk nganti awan. Pasar iki ora pati gedhé ananging cumepak kaperlunan sadina-dina. Ing jero pasar iki ana manèka werna bakul kaya ta bakul jejanganan, woh-wohan, jajanan pasar, panganan, lan sandhangan. Ing sisih ngarep pasar iki ditemoni akèh wong dodol kembang setaman. Ing ngarep pasar uga disedhiyani kreteg panyebrangan supaya wong tinuku bisa nyebrang kanthi aman. Sanadyan mangkono, papan parkir ing pasar iki kurang amba, dadi kadhang kala ngebaki dalan.
