Peppy
Pepi duwé jeneng dawa ya iku Fevi Hermawan Hidayat Kelana (lair ing Bandung, Jawa Barat, 7 Novèmber 1975; umur 48 taun).[1] Pepi iku pentolan Ini Band, home band Empat Mata (Trans 7). Saliyané iki, Pepi dadi pelawak.[1] Saliyané main musik, wong lanang kang duwé sirah kang plonthos lan jénggot dawa iku uga tau dadi co-host Empat Mata asuhan pelawak Tukul Arwana.[1]
Biografi besut
Nalika isih cilik, Pepi urip ing désa cilik kanthi alam pagunungan kang apik, panggonan iki jenenge Cirotan, tlatah Cikotok ing Kacamatan Cibeber (jaman biyèn isih mèlu Kacamatan Bayah), Kabupatèn Lebak, Banten Selatan.[1] Iki amarga bapaké kerja dadi karyawan ing perusahaan tambang emas Cikotok, PT. Aneka Tambang, Tbk. (Antam, Bursa Efek Indonesia: ANTM) Unit Pertambangan Emas Cikotok (UPEC), panceré ing Pérangan Tambang Selatan (Cirotan). Sadurungé tamat SD, Pepi pindhah ing Bandung.[1] Pepi pindah amarga mèlu bapaké kang ngajukna pensiun.[1] Pepi iku anak kang wuragil saka sadulur kang cacahé lima.[1] Pepi iku anak saka pasangan S. W. Hidayat lan E. Halimah.[1] Wiwit cilik, Pepi wis cedhak karo donyaning seni lan musik.[1] Piranti musik kang paling disenengi Pepi ya iku perkusi.[1] Pepi lan kanca-kancane mbentuk MDS Band nalika isih kuliyah ing STIA LAN Bandung.[1] Pepi lan kancané tau ngamén, sawisé iku banjur nyanyi ing kafe-kafe.[1] Nalika taun 2001 nalika MDS Band dadi home band ing acara Campur-campur (antv).[1] Sawisé iku personil band iki banjur yasa kariré dhéwé-dhéwé.[1]
Saliyané main musik, Pepi uga mèlu casting kanggo acara televisi.[2] Pepi uga tau main ing Tawa Sutra (antv), Ruming (Trans 7), lan Ketawa Spesial (Trans TV).[2] Sawisé iku, Pepi ditawani dadi home band Empat Mata.[2] Pepi banjur nglumpukake kanca-kancane banjur nggawé band kanthi jeneng anyar ya iku Ini Band.[2]
Cathetan suku besut
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |