Pierre Curie
Pierre Curie (lair ing Paris, 15 Mèi 1859 – pati ing Paris, 19 April 1906 ing umur 46 taun) punika satunggiling pionir salebetipun babagan kristalografi, magnetisme, lan radioaktivitas kanthi kabangsaan Prancis.
| Pierre Curie | |
|---|---|
 | |
| Lair | 15 Mèi 1859 Paris, Prancis |
| Pati | 19 April 1906 (umur 46) Paris, Prancis |
| Bangsa | Prancis |
| Alma mater | Sorbonne |
| Kondhang ing | Radioaktivitas |
| Bebungah | Bebungah Nobel babagan Fisika (1903) |
| Karièr ngèlmiah | |
| Babagan | Fisika |
| Mahasiswa dhoktoral | Paul Langevin André-Louis Debierne Marguerite Catherine Perey |
| Cathetan | |
Palakrami kaliyan Marie Curie (m. 25 Juli 1895), putrinipun inggih punika Irène Joliot-Curie lan Ève Curie. | |
Sasampunipun ngrampungaken pendhidhikan sarjananipun nalika yuswa 18 taun, panjenenganipun nyambut damel minangka satunggiling instruktur laboratorium. Nalika taun 1881, Pierre lan sedhèrèk kakungipun, Jacques kasil ndhémonstrasikaken bilih kristal-kristal saged lumer nalika dipunilèni medan listrik. Mèh sadaya sirkuit listrik digital sapunika migunaaken lampahan punika salebetipun wangun osilator kristal.
Pierre Curie nyinaoni ferromagnetisme, paramagnetisme, lan diamagnetisme kanggé tesis doktoratipun, lan manggihaken prabawa suhu dhumateng paramagnetisme ingkang sapunika dipuntepangi minangka Hukum Curie. Panjenenganipun nyambut damel kaliyan èstrinipun, Marie Curie salebetipun ngisolasi polonium lan radium. Kekalihipun punika tiyang-tiyang sepindhah ingkang migunaaken istilah 'radioaktivitas', lan wujud panggagas salebetipun babagan wau.
Pierre lan salah setunggil muridipun ugi wujud tiyang sepindhah ingkang manggihaken tenaga nuklir, liwat idhèntifikasi dhumateng pamedalan panas ingkang teras saking partikel-partikel radium.
Sesarengan kaliyan èstrinipun, Marie, Pierre dipunanugerai Bebungah Nobel babagan Fisika nalika taun 1903 minangka "pangakenan dhumateng jasa-jasa ngéramaken ingkang sampun kekalihipun lampahi salebetipun panlitèn ngenani fenomena radiasi ingkang kapanggih déning Professor Henri Becquerel."
Pierre tilar donya amargi kacilakan kendharaan ing Paris tanggal 19 April 1906.
Putri Pierre lan Marie Curie, Irène Joliot-Curie, sarta mantunipun, Jean Joliot-Curie ugi wujud fisikawan-fisikawan ingkang tumut salebetipun panlitèn radioaktivitas.