Henri Becquerel

Antoine Henri Becquerel
Henri Becquerel, fisikawan Prancis
Lair	(1852-12-15)15 Dhésèmber 1852 Paris, Prancis
Pati	25 Agustus 1908(1908-08-25) (umur 55) Le Croisic, Brittany, Prancis
Bangsa	Prancis
Alma mater	École polytechnique École des Ponts et Chaussées
Kondhang ing	Penemuan Radioaktivitas
Bebungah	Bebungah Nobel babagan Fisika (1903)
Karièr ngèlmiah
Babagan	fisika, kimia
Institutions	Conservatoire des Arts et Metiers École polytechnique Musiyum National d'Histoire Naturelle
Mahasiswa dhoktoral	Marie Curie
Cathetan
Panjenenganipun bapanipun Jean Becquerel, putranipun A. E. Becquerel, lan wayahipun Antoine César Becquerel.

Antoine Henri Becquerel (lair ing Paris, 15 Dhésèmber 1852 – pati ing Le Croisic, 25 Agustus 1908 ing umur 55 taun) punia salah setunggil fisikawan asal Prancis ingkang nemokaken radioaktivitas. Naminipun dipun-ginakaken kanggé ékan radioaktivitas.

Biografi

Kagesangan awal

Becquerel miyos saking kulawarga ingkang ngedalaken 4 génerasi èlmuwan, kalebet putranipun piyambak Jean. Henri Becquerel sinau èlmu kawruh alam ing École polytechnique lan tèhnik ing École des Ponts et Chaussées. Nalika taun 1890, panjenenganipun palakrami kaliyan Louise Désirée Lorieux.

Karièr

Taun 1892, panjenenganipun dados tiyang angka 3 ing kulawarganipun ingkang nglenggahi kursi fisika ing Musiyum National d'Histoire Naturelle. Nalika taun 1894, panjenenganipun dados ketua insinyur ing Dhépartemèn Wot lan Dalan Ageng.

Ing taun 1896, nalika ngamati fosforesensi garam uranium, tanpa sengaja Becquerel nemokaken radioaktivitas. Nliti karya Wilhelm Conrad Röntgen, Becquerel ngurung dat ingkang berpijar, kalium uranil sulfat, salebetipun pelat foto lan bahan cemeng kanggé nyiapaken panlitèn ingkang merlokaken cahya padhang. Nanging, sadèrèngipun nglajengaken panlitèn, Becquerel nemokaken pelat foto puniku sampun kapajan, nedahaken gambaran dat. Panemon puniku damel panjenenganipun nliti émisi spontan radhiasi nuklir.

Nalika taun 1903, panjenenganipun nampi Nobel Fisika kaliyan Pierre lan Marie Curie salebetipun pangakenan jasa ngéramaken ingkang sampun dipunlampahi kanthi panemon radioaktivitas spontan.

Pranala njawi

• Biografi
• Biografi
• Biografi singkat