Pisang molen

Pisang Molen inggih punika salah satunggaling tetedhan khas Indonésia. Tetedhan punika kalebet jajanan ingkang misuwur saking tlatah Jawa Kulon. Pisang molen punika inggih dhedhaharan tradhisional khas Bandung ingkang asring dipundadosaken olèh-olèh déning para wisatawan. Ing kitha Bandung, pisang molen misuwur kanthi sebatan bolen pisang. Raosipun pisang molen ingkang khas ingkang dadosaken kathah tiyang remen dhahar pisang molen. Caranipun damel pisang molen punika boten patos angèl, langkung malih ing wekdal sapunika bilih sampun wonten kulit pastry ingkang sampun samekta dipun-ginakaken kanggé mbuntel pisangipun. Dadosipun, boten prelu susah-susah malih kanggé damel pisang molen. Isènanipun pisang molen sapunika sampun manéka warni, wonten pisang keju, pisang keju coklat, pisang coklat, lan sapanunggalanipun.

pisang molen

Bahan-bahanipun

Bahan-bahan ingkang dipunbetahaken kanggé damel pisang molen kapérang dados kalih, inggih punika bahan kanggé damel isi lan bahan kanggé damel kulit molenipun. Ing ngandhap punika inggih bahan-bahan ingkang dipunbetahaken kanggé damel kulit molen inggih punika:

1. Bahan Kulit Pisang Molen

• 60 gram mentega
• 1 butir tigan ayam
• 50 gram gendhis alus
• 1/4 cendhok teh sarem
• 1 1/2 cendhok maem glepung maizena
• 225 gram glepung terigu
• 100 gram keju parut
• 15 ml toya

Déné bahan-bahan ingkang dipunbetahaken kanggé damel isi molen inggih punika:

1. Bahan Isi Kulit Pisang

• 8 iji pisang uli, dipunkethok dawanipun 5 cm, lajeng dipunpérang sekawan pérangan
• 100 gram keju cheddar, dipunkethok dawanipun 5x 1/2 x 1/2 cm

Caranipun damel Pisang Molen

1. Mentega dipunkocok sareng kaliyan tigan, saha gendhis alus, dangunipun tigang dasa detik ngantos sadaya bahanipun kecampur rata.
2. Manawi sampun, sarem dipunlebetaken sareng kaliyan glepung maizena, saha glepung terigu kanthi dipunayak lan dipunundhak ngantos rata.

Tambahkan keju cheddar parut. Aduk rata. Masukkan air. Aduk rata.

1. Adonan ingkang sampun dados lajeng dipungiling kanthi ngginakaken gilingan mi, dipunwiwiti kanthi gilingan kandel nomer satunggal dugi kandel nomer gangsal.
2. Adonan dipunambali dipungiling ngantos ping tiga. Manawi sampun lajeng adonan dipunkethok-kethok, dawanipun 50 cm kanthi ambanipun 1 1/2 cm.
3. Adonan ingkang sampun dikethok kala wau lajeng dipun-ginakaken kanggé mbuntel gedhang ngantos rapet lajeng ing pucukipun dipunraketaken nganggé toya.
4. Salajengipun, pisang ingkang sampun dipunbuntel lajeng dipungoreng ngantos mateng kanthi titikan wernanipun sampun kuning radi coklat