Plastikultur

Plastikultur iku cara migunakaké bahan dhedhasar plastik ing upaya tetanèn. Bahan plastik dhéwé minangka bahan kang bisa dianggo ing manéka babagan. Nanging ing plastikultura, plastik digunakaké minangka bahan kang wigati kanggo nyengkuyung thukulé tetuwuhan, kaya ta plastik pelapis kanggo mulsa, plastik bening kanggo fumigasi saka lemah kanthi termal, uga ana plastik kanggo nggawé saluran pipa banyu lan nutrisi ing cara hidroponik, plastik uga bisa dadi wadhah lemah ing cara hidroponik, lan nggawé omah kaca, lan sapiturute.

Trowongan tetuwuhan kang digawé saka plastik, ngayomi tetuwuhan saka udanuga  optimisasi  panyerepan panas dening tetuwuhan

Mulsa Plastik  kang digunakake kanggo tuwuhan stroberi

Poliétilèn (PE) iku jinis plastik kang digunakaké déning mèh kabèh petani amarga murah, fleksibel, lan gampang digawé. PE kasedhiya ing manéka warna kekandelan, bisa diowahi kanggo mènèhi sipat tartamtu kang nguntungaké tuwuhan kaya ta nyuda ilangé banyu, nambah kabeningan kanggo piranti fumigasi, ngatur kadar campuran lan werna plastik kanggo liwaté cahya ing spektrum, lapisan fluoresensi kanggo nggampangaké ngrawat ing wayah bengi (tuladhane ing tetuwuhan kang ngembang ing wayah wengi), lan sapituruté.

Omah tetuwuhan lan trowongan tetuwuhan

Omah kaca ya iku struktur kang ngidini manungsa kanggo ngadeg lan makarya ing njeroné. Trowongan tuwuhan ya iku struktur awujud trowongan dawa, umumé setengah-bunder. Plastik pelapis omah kaca lan trowongan tuwuhan biasané nduwéni kekandelan antarané 80 nganti 220 µm kanthi jembaré nganti 20 m. Umur nggunakaké plastik antarané 6 nganti 45 sasi gumantung ing manéka faktor. Ing lingkungan ekstrem dibutuhaké PE kanthi rangkep ya iku gabungan antara PE kang duwé dhènsitas gedhé lan PE kang duwé dhènsitas kang cilik.