Prasasti Tuk Mas

Prasasti Tuk Mas iku prasasti sing dumunung ing èrèng-èrènging Gunung Merbabu, lumebu tlatah kecamatan Grabag, Kabupatèn Magelang, kang dinuga kawedalaké ing abad kaping 8 M. Prasasti ditulis nganggo aksara Pallawa kanthi basa Sansekerta.

Prasasti mau isiné memuji marang tuk sing metu saka gunung lan ndadèkaké kali kaya Kali Gangga. Ing sadhuwuré tulisan ana gambar leksana lan piranti kanggo upacara wujud cakra, sanka, trisula, kundhi, kapak, gunting, dholmas, stap, lan patang kembang fatma. Mula saka iku, prasasti Tuk Mas minangka prasasti sing digawé déning panganut agama Siwa.