Pulo Buton

pulo ing Indonésia

Pulo Buton iku pulo ing Sulawesi Kidul-wétan sing misuwur bab prodhuksi aspal. Kutha gedhé dhéwé ing pulo iki ya iku Bau-Bau. Buton kalebu sajeroning wewengkon administratif Provinsi Sulawesi Kidul-wétan.

Pamérangan administrasi besut

Ing pulo Buton ana laladan tingkat II utawa Kabupatèn sing dikenal kanthi jeneng Kabupatèn Buton. Wiwitané Kabupatèn Buton kanthi kutha krajan Bau-Bau duwé wewengkon papréntahan tilas karajan Buton utawa Kasultanan Buton, ya iku nyakup sapérangan wewengkon pulo Buton, sapérangan wewengkon Pulo Muna, sethithik pérangan pulo Sulawesi, sarta pulo-pulo sing ana ing pérangan kidul pulo Buton. Saiki kanthi anané pamekaran laladan, wewengkon iku kapérang djadi sawatara wewengkon kabupatèn, ya iku:

  1. Kabupatèn Buton
  2. Kutha Bau-Bau
  3. Kabupatèn Wakatobi
  4. Kabupatèn Bombana

Saka kapapat kabupatèn/kutha mau, sing ana ing pulo Buton ya iku Kutha Bau-Bau lan sapérangan Kabupatèn Buton. Kabupatèn Buton dumunung ing pulo Buton lan sapérangan Pulo Muna, sdéné sapérangan wewengkon pulo Buton dadi wewengkon kabupatèn Muna. Tumrap Kabupatèn Wakatobi wujud pulo-pulo sing ana ing sisih kidul pulo Buton, déné Kabupatèn Bombana dumunung ing dharatan Sulawesi.

Uga delengen besut