Pulo Mega

pulo ing Indonésia

Pulo Mega inggih salah satunggaling pulo paling jaba ing Indonésia ingkang mapan wonten ing samodra Hindia. Pulo Mega inggih kalebet watesaning wewengkon Indonésia kaliyan nagara India.[1] Pulo Mega kalebet wewengkon pamaréntahan kabupatèn Bengkulu Utara, provinsi Bengkulu. Pulo punika mapan wonten ing sisih kilèn saking kitha Bengkulu kanthi koordinat 4° 1′ 12″ LS, 101° 1′ 49″ BT. Ambanipun pulo Mega inggih kirang langkung 5 Ha. Pulo Mega punika boten wonten pendhudhukipun lan namung dados pulo singgahanipun para warigaluh. Nanging kanthi makaten, pulo Mega malah boten dados pulo ingkang sepis sanget amargi boten dipu mega taksih ketinhuni utawi panci boten wonten pendhudhukipun malih, nanging senajajan to makaten, ing pulo mega punika taksih dipunanggep wonten penghuninipun saking para warigaluh ingkang mapir.[2]

Pulo Mega
Peta Pulo Mega
Pulo Mega

Géografi besut

Pulo Mega dumunung ing sisih kulon saking Pulo Sumatra ingkang kawates langsung kaliyan kabupatèn Mukomuko saha provinsi Sumatra Barat. Pulo Mega punika kalebet pulo ingkang paling alit kanthi ambanipun namung kirang langkung 3,13 km2 kanthi jembaripun kirang langkung namung 1,5 km, saha pérangan ingkang paling dawa inggih kirang langkung 2 km. Pasisir ing pulo Mega gadhah tipe pasir wonten kathah karangipun ingkang gadhah jero kirang langkung 1-4 mèter wonten ing pérangan pinggiring pulo, lan ing pérangan tumuju njawi pulo, jeronipun laut saged langkung saking 10 mèter.

Transportasi besut

Manawi badhé tumuju dhateng Pulo Mega saged dpunwiwiti saking kitha Bengkulu kanthi ngginakaken kendaraan roda sekawan tumuju dhateng Bengkulu sisih Lor, nembé saged nyebrang ngginakaken speed boat.

Penduduk besut

Pulo Mega punika kalebet salah satunggaling pulo ingkang boten wonten penghuninipun, nanging penduduk musiman dhateng saking sikakap, pulo Pagai Selatan, Kapuloan Mentawai. Penduduk Sikakap dhateng saperlu panen klapa kaliyan kopra minangka produk turunanipun.

Vegetasi besut

Vegetasi pulo Mega sapérangan ageng inggih punika wit Klapa. Klapa gampil sanget kapanggih wonten ing sadaya wewengkon pulo, mliginipun ing daerah pasisir pasisirnipun. Kajawi punika, tetuwuhan perdu saha palem kapanggihaken wonten ing pasisir saha pérangan tengah pulo. Tetuwuhan Bakau naming kapanggihaken ing pérangan kidul pulo.

Cathetan suku besut