Pulo Yamdena
Yamdena inggih salah satunggaling pulo ing Indonésia ingkang taksih kalebet gugusan pulo ing Kapuloan Tanimbar, Indonèsia. Basa Yamdena inggih basa ingkang dipun-ginakaken déning masarakat pulo punika. Ing sisih wétan pulo Yamdena kasebar alas ingkang jembar lan rengket wit-witanipun. Kitha ingkang paling ageng ing pulo Yamdena inggih Saumlaki, ingkang mapan wonten ing pucuk kidul pulo punika.
Miturut Gurtjens, Yamdena utawi Yamrene ateges Ibu Pertiwi. Yamrene kadadosan saking tembung Yaman ateges bapak lan Renan ateges Ibu wonten ing basa Fordata. Basa Fordata inggih basa ingkang dipun-ginakaken déning masarakat ing sisih lor lan kilén Pulo Yamdena ngantos Kapuloan Kai, lan dipun-ginakaken déning sapérangan alit masarakat ing tlatah paling lopr saking Pulo Yamdena. Ing Pulo Yamdena piyambak, basa Fordata namung dipun-ginakaken dados basa ing upacara adat boten dipun-ginakaken minangka basa padintenan. Ing pulo Yamdena wonten satunggal gunung, inggih punika Gunung Maloli, ingkang dados wates kalih désa, inggih désa Lumasebu, lan désa Kilmasa.
Géografi
besutPulo Yamdena mlebet wonten ing wewengkon Kapuloan Tanimbar.Ing wewengkon pulo Yamdena punika wonten kirang langkung 40 désa ingkang mapan wonten ing sak pinggiring pasisir pasisir. Kaanan pagesangan masaraktipun taksih gumantung saking asiling tetanèn saha perikanan ingkang subsisten.[1] Wonten kalih kitha ageng ing Pulo Yamdena inggih punika Saumlaki (kutha krajan Kabupatèn) ingkang mapan wonten ing pucuk kidul pulo Yamdena saha Larat ingkang minangka kutha krajan kacamatan Tanimbar Utara. Saumlaki inggih kitha alit ingkang mapan wonten ing sisih kidul Kapuloan Maluku, Indonésia. Kitha punika inggih kutha kabupatèn Maluku Tenggara Barat. Letakipun Saumlaki punika wonten ing Pulo Yamdena ingkang kalebet péranganing Kapuloan Tanimbar. Ing Pulo Yamdena punika gadhah potensi alam laut ingkang kathah, ugi ingkang wonten ing kitha Saumlaki punika. Nanging ing kitha Saumlaki punika boten gadhah indhustri punapa-punapa ngantos sedaya barang kedah dipuntumbas saking Surabaya.
Daya Tarik
besutWonten ing Pulo Yamdena wonten papan-papan tilaran sujarah kados ta situs Perahu Batu saha patung Kristus Raja. Wonten ugi Pasisir Weluan ingkang kalebet salah satunggaling pulo ingkang éndah ingkang wonten ing pulo Yamdena punika. Sumiliring angin kraos sanget wonten ing pasisir punika. Pasisir Weluan punika gadhah pasir putih radi coklat kanthi toyanipun bening boten wonten ombakipun. Ing tepining pasisir wonten wit-wit klapa ingkang jejer sarentet.[2]
Cathetan suku
besut