Rajungan
| Rajungan | |
|---|---|
| |
| Male P. pelagicus | |
| Klasifikasi ngèlmiah | |
| Karajan: | Animalia |
| Filum: | Arthropoda |
| Subfilum: | Crustacea |
| Klas: | Malacostraca |
| Ordho: | Decapoda |
| Infraordho: | Brachyura |
| Famili: | Portunidae |
| Génus: | Portunus |
| Spésies: | P. pelagicus |
| Jeneng binomial | |
| Portunus pelagicus (Linnaeus, 1758) | |
| Sinonim | |
|
Cancer pelagicus Linnaeus, 1758 | |
Rajungan punika gadhah nama latin Portunus pelagicus.[1] Rajungan punika kelebet salah setunggaling jinis kepithing ingkang gadhah habitat alami namung wonten ing seganten.[2] Rajungan punika limrahipun kapanggih nalika pasang surut saking Samodra Hindhia saha Samodra Pasifik, saha Timur Tengah dumugi pasisir ing Seganten Mediterania.[2] Rajungan punika limrahipun dipun-ginakaken kanggé sumber pangan.[2] Rajungan punika reginipun awis.[2] Rajungan langkung remen manggèn wonten ing pasir utawi blethok, mliginipun nalika wayah siyang saha mangsa anyep.[2] Rajungan punika pados panganan nalika wayah banyu pasang.[2] Pakananipun rajungan inggih punika organisme kados ta bivalvia, iwak saha alga.[2] Rajungan punika salah setunggaling kéwan ingkang saged renang kanthi saé.[2] Rajungan punika gadhah sikil ingkang wujudipun tipis lan gépéng.[2] Sikil punika wujudipun kados ta dayung.[2] Nanging bénten kaliyan jinis kepithing sanèsipun. Rajungan punika boten kiyat manawi dangu medal saking toya.[2] Béntenipun rajungan kaliyan kepithing inggih punika manggèn wonten ing sikil pérangan mburi.[2] Rajungan gadhah sikil ingkang gépéng, lonjong, saha boten landhep.[2] Sikil punika limrahipun dipun-ginakaken kanggé nglangi.[2] Rajungan limrahipun kapanggih wonten ing sagara déné kepithing punika saged dipuningoni.[2] Rajungan gadhah thothok ingkang trotol-trotol kados ta macan tutul.[2] Rajungan gadhah daging ingkang langkung legi, saha empuk tinimbang kepithing.[2] Kajawi punika, limbah rajungan ingkang wujud thothok rajungan saged dipunmanfaataken kanggé prodhuk ingkang awis inggih punika dipunolah dados kitin saha kitosan.[3]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |