Rayon

Aksara Latin

ꦗꦮ

Rayon utawa kain rayon iku kain sing digawé saka serat asil regenerasi selulosa. Serat sing didadèkaké bolah rayon asalé saka polimer organik, saéngga diarani serat semisintesis amarga ora bisa digolongaké minangka serat sintetis utawa serat alami sing sabeneré. Sajeroning indhustri tèkstil, kain rayon ditepungi mawa jeneng rayon viskosa utawa sutra gawéan. Kain iki racaké katon mengkileng lan ora gampang kusut. Serat rayon duwé unsur kimia karbon, hidrogen, lan oksigèn.

Panambahan alkali lan karbon disulfida ing selulosa ngasilaké viskosa

Panggunaan

Kain rayon digunakaké kanthi wiyar sajeroning indhustri garmen kanggo bahan sandhangan lan palengkapan busana, kaya ta dhaster, jakèt, jas, sandhangan njero, syal, topi, dhasi, kaos sikil, lan kain palapis sepatu. Kain jinis iki uga dianggo minangka kain alas lan palengkap prabot rumah tangga (seprai, slimut, kordhèn) lan piranti-piranti kabutuhan indhustri (kain kanggo prabot omah sakit, bolah ban), sarta barang kaséhatan pribadi (pembalut wanita lan popok). Ing Indonésia, kain rayon wujud bahan baku kanggo indhustri kain lan klambi bathik.

Tèkstur

• 
  Conto kain rayon saka sawijining rok.
• 
  Rok liya mawa tèkstur béda.
• 
  Blus mawa tèkstur sarupa karo gambar nomer loro.

Pranala njaba

• Tèkstil & prodhuk tèkstil Archived 2011-09-26 at the Wayback Machine. (situs web Asosiasi Patèkstilan Indonésia)