Rene Laennec
Rene Laennec ya iku penemu stetoskop.[1] Dhèwèké lair ing Brittani, Prancis, nalika tanggal 17 Fèbruari 1781.[1] Kawit cilik, dhèwèké duwé fisik kang lemes.[1] Dhèwèké kerep lara-laranen.[1] Pancen riwayat keséhatan kulawargané ora patiya apik.[1] Ibune tinggal donya marga lelara TBC nalika umuré 5 taun.[1] Sawisé ibune tinggal donya, Laennec diopeni déning seduluré kang dadi pendeta.[1] Pitung taun candhaké, dhèwèké mèlu seduluré kang dadi dekan fakultas kadhokteran.[1] Kawit iku, dhèwèké wiwit nyinaoni ngèlmu kadhokteran.[1] Nalika umur 14 taun, dhèwèké wiwit ngrewangi ing rumah sakit.[1] Sawisé iku, dhèwèké sinau ing La Charite Hospital lan lulus ing taun 1804.[1] Saliyané iku, dhèwèké uga sinau karo salah sawijining dhokter Napoleon, Kaisar Prancis nalika iku, kang jenene Corvisart.[1] Nalika sasi September 1818, Leannec diwènèhi tugas minangka pemeriksa kaanan jantung wong wadon kang lemu.[1]
Amarga isin nempelake kupinge ing dadane wong wadon mau, banjur dhèwèké jupuk kertas lan nggulungake dadi wujud silinder.[2] Kertas kang kang wis diwangun silinder didadèkaké perantara antarané kuping karo dhadhane wong wadon mau.[2] Jebul, kanthi piranti prasoja mau detak jantung pasien mau bisa dirungokake luwih jelas.[2] Sawisé mau, dhèwèké gawé stetoskop kang wiwitan.[2] Laennec tinggal donya nalika tanggal 13 Agustus 1826 ing Brittany.[2] Dhèwèké duwé lelara TBC kang padha karo ibune.[2]