Samuel Huntington

Samuel Phillips Huntington (New York City, 18 April 1927 - Martha's Vineyard, 24 Dhésèmber 2008) inggih punika satunggalipun ilmuwan pulitik Amérikah Sarékat. Panjenenganipun dados guru besar ugi pandheganipun jurusan Ilmu Pulitik ing Universitas Harvard lan Pandheganipun Harvard Academy kanggé Kajian Internasional lan Regional, ing Weatherhead Center for International Affairs. Nalika wulan Januari 2000, Huntington mandhap saking jabatanipun minangka dhirèktur ing Olin Institute. Taun 1999-2000, panjenenganipun nyambut damel nliti éwahipun idhèntitas nasional Amérikah Sarékat lan implikasi-implikasi saking éwah-éwahan punika dhumateng paranipun Amérikah Sarékat ing donya internasional. Sasampunipun punika, Huntington nyambut damel ngasta mata kuliah wonten ing babagan kajian, lan mata kuliah sanèsipun wonten ing perbandingan pulitik lan pulitik global sasampunipun Perang Dingin. Huntington sampun nyerat buku The Clash of Civilizations and the Remaking of World Order ingkang dipunserat ing taun 1998. Isinipun bab wontenipun benturan antarbudaya, sasampunipun peristiwa 11 September (pangeboman menara WTC ing New York). Kanthi buku punika kathah tiyang ingkang ningali perang mengsah terorisme minangka benturan kabudayan Kilèn lan Wétan, kados déné gagasan ingkang kaserat déning Huntington. Buku punika dados karyanipun ingkang monumèntal ugi kontroversial lan dadosaken masalah wonten ing donya sadangunipun langkung saking tigang taun.

Samuel Huntington
Lair	Samuel Phillips Huntington (1927-04-18)18 April 1927 New York City, United States
Pati	Dhésèmber 24, 2008(2008-12-24) (umur 81) Martha's Vineyard, Massachusetts
Bangsa	American
Alma mater	Stuyvesant High School Harvard University University of Chicago Yale University
Kondhang ing	Clash of Civilizations
Karièr ngèlmiah
Babagan	Political science
Institutions	Harvard University Columbia University
Kaprabawan	Fukuyama, Zakaria

Pranala njawi

Situs pribadi Huntington ing Harvard University Archived 2016-01-25 at the Wayback Machine.