Saron panerus

Saron panerus iku salahsiji perangkat gamelan Jawa sing ditabuh. Saron panerus iku diso'ake langsung ing wilah kayu ing loro sisi ngisore. Ing laras slendro, saron panerus diarani Peking.

Saron Panerus

Wujud

Iki jinis saron sing paling cilik saka wujud balungan liyané ya iku saron lan demung. Ana 2 jinis saron panerus ya iku pelog panerus lan slendro panerus. 2 jinis piranti panerus iki nduwé laras béda-béda. Penabuhé luwih cilik tinimbang penabuh saron liyané, sing apik digawé saka sungu kebo.

Wilah

Wilah saron panerus iki luwih cilik tinimbang saron barung lan demung nanging wilahé luwih kandel. Wilah sing luwih dhuwur swarané, ukurané luwih cilik. Wilah saron panerus uga ana 7, sing paling cilik dawané watara 18 cm lan amba 4 cm.

Swara

Saron panerus nduwé swara luwih dhuwur sak oktaf dibandingaké karo saron barung.

Cara nabuh

Cara nabuh saron panerus iku béda karo carané nabuh saron lan demung, ya iku tikel loro saka tabuhan saron lan demung.