Sentō

Sentō (銭湯, Sentō^?) inggih punika satunggaling papan ingkang awujud padusan toya panas kanggé tiyang umum ingkang mapan wonten ing Jepang ^[1]^[2]. Tiyang ingkang gadhah kekajengan siram kedah mbayar kanggé béaya mlebet papan punika. Antawisipun padusan kakung lan putri punika wonten ing papan ingkang kapisah. Setunggal bak siram dipun-ginakaken kanggé kungkum sesarengan pinten-pinten tiyang. Miturut Undang-Undang Pemandian Umum (Kōshū Yokujō-hō) Pasal 1, fasilitas padusan umum punika pikantuk ngginakaken toya panas ingkang dipunumubaken piyambak, toya mawi mineral saking tuk (mata air) panas, toya saking onsen, lan sanèsipun. Miturut undang-undang sanèsipun^[3], ingkang ngemunah padusan punika saged narik béaya siram kanggé pangguna jasa padusan umum.

Tatanan papan

Tatanan papan sentō: A. lawang mlebet lan ruang kanggé gantos, B. kamar mandi, C. ruang boiler.

Sapérangan ageng sentō gadhah tatanan papan ingkang sami kaliyan diagram wonten ing sisih tengen. Wonten ing sanginggilipun lawang mlebet punika dipunpasang noren ingkang sinerat mawi aksara hiragana ゆu tawi kanji 湯 ingkang dipunwaos minangka yu (toya panas).

Bandai (papan kanggé lenggah ingkang njagi)

Papan siram tiyang kakung lan papan siram tiyang èstri punika dipunandharaken kanthi cetha wonten ing papan pitedahan. Wonten ing diagram, papan kanggé siram tiyang kakung punika mapan wonten ing sisih kiwa déné papan siram kanggé tiyang èstri punika mapan wonten ing sisih tengen.

(1) Wonten ing pérangan ngajeng, ing sisih tengen lan kiwa lawang sentō mlebet asring wonten taman kanthi ukuran ingkang alit.
(2) Ing sisih kiwa lan tengen lawang mlebet punika wonten rak sepatu lan papan wadhah kanggé payung kanggé para rawuh.
(4) Tiyang ingkang gadhah kekajengan siram dipuntampi déning penjaga ingkang lenggah wonten ing panggung inggil ingkang dipunwastani bandai (papan kanggé lenggah penjaga). Papanipun bandai punika wonten ing tengahing lawang mlebet ruwang gantos kakung lan lawang mlebet ruwang gantos èstri. Bibar mbayar beaya mlebet, tiyang ingkang badhé siram mapanaken busana lan rasukanipun wonten ing ruwang gantos (datsuiba).
(3) Rak busana kanggé nyimpen busananipun para rawuh.
(5) Papan kanggé tilem bayi (dipunsiapaken ing ruwang gantos èstri)
(6) Kran toya panas lan toya ingkang adhem utawi pancuran. Saderengipun mlebet ing bak siram, tiyang kedah siram lan ngresiki awak rumiyin ngginakaken toya saking kran.

Barkas:Sento.EdoTokyoOutdoorMuseum.jpg

Bak siram lan lukisan Gunung Fuji ing témbok.

(7) Bak kanggé kungkum ing toya panas. Ing témbok punika kadang kala dipunpasang papan pitedahan ingkang ngajaraken kados pundi siram kanthi cara Jepang lan pepeling ngresiki awak ing bak siram.
(8) Bahan bakar.
(9) Boiler.

Wonten ing ruwang gantos padatanipun sampun cumawis otomat pengecer utawi lemari ès ingkang nyade unjukan adhem lan kadang kala wonten ès krim ugi.

Cathetan suku

↑ Mandi di Pemandian Umum Jepang, (dipunakses tanggal 3 Maret 2013)
↑ Pemandian umum, (dipunakses tanggal 3 Maret 2013)
↑ Undang-Undang sehubungan Usaha-Usaha Khusus untuk Menjamin Kelangsungan Pemandian Umum (Kōshū Yokujo no Kakuho no tame no Tokubetsu Sochi ni kansuru Hōritsu)

Ugi pirsani

Pranala njawi

Mandi Ala Jepang^{[pranala mati permanèn]}, artikel olèh H.B. Supiyo, edisi Senin, 06 Juli 2009, SWA Sembada online. Diakses 05 November 2009.
Etiket mandi di Jepang Archived 2010-02-26 at the Wayback Machine.
Sejarah sentō Archived 2009-06-25 at the Wayback Machine.

[sento1-1] Mandi di Pemandian Umum Jepang, (dipunakses tanggal 3 Maret 2013)

[sento2-2] Pemandian umum, (dipunakses tanggal 3 Maret 2013)

[3] Undang-Undang sehubungan Usaha-Usaha Khusus untuk Menjamin Kelangsungan Pemandian Umum (Kōshū Yokujo no Kakuho no tame no Tokubetsu Sochi ni kansuru Hōritsu)

[1]

[2]

[3]