Ès krim iku panganan panutup beku, lumrahé kagawé saka susu, kaya ta susu lan krim, uga asring dibarengake karo woh-wohan utawa bahan lan rasa liyané. Ing sawatara jinis duwé kandhutan gula, sanajan sawatara jinis liyané kagawé kanthi nambahi legèn-legèn liyané. Kadhang-kadhang, perasa gawéyaan lan pawarna dianggo ing njaba, dudu kalebu bahan alami. Campuran saka bahan-bahan kang wis dipilih diudheg alon-alon nalika prosès ngadhemaké, supaya hawa bisa lumebu lan kanggo nyegah anané kristal ès gedhé saka prosès pambentukan. Asilé awujud semi-padhet utawa semi-cair kang wujudé lembut kaya "krim".

Es krim saka Italia
Mesin kang dienggo kanggo gawé es krim
Konsumsi es krim saben wong ing Éropa
Rasa es krim kang misuwur ing Jerman
Wiktionary
Wiktionary
Pirsani informasi ngenani Ès krim ing KamusWiki.

Tembung "ès krim" duwé teges kang béda-béda saka nagara siji lan sijiné. Kayadéné tembung "puding beku", "yoghurt beku", "sorbet", "gelato" lan liya-liyané kanggo membedakake jinis kang béda lan gaya. Ing pirang-pirang nagara, kaya déné Amérika Sarékat, tembung "ès krim" mung dianggo kanggo pirang-pirang spesifik, lan sapérangan gedhé pamaréntah ngatur anggoné nganggo komersial saka pirang-pirang tetembungan kang mathuk karo cacahé kang relatif saka bahan utama.[1] Ing nagara liya, kaya ta Italia lan Argentina, tembung siji dienggo kanggo kabèh jinis. Analog kang kagawé saka alternatif susu, kaya ta susu wedhus utawa susu domba, utawa pangganti susu, sumadya kanggo wong-wong kang intoleransi laktosa, alergi marang protéin susu, lan / utawa vegan.

Peranganing es krim besut

Es krim kapérang saka bahan-bahan kaya ta:[2]

  • 10% punjul es krim ngandhut gajih saka susu lan padhatan ing antarané 10%, ing pirang-pirang es krim premium ngandhut 16% gajih
  • 9 nganti tekan 12% ngandhut susu-susu-gajih: komponèn iki, uga dikenal minangka padhetan serum, duwé kandhutan protéin (kasein lan whey protéin) uga karbohidrat (laktosa) kang ana ing sajeroning susu
  • 12 nganti tekan 16% legen-legen: padhatan kakombinasiake saka sukrosa lan glukosa saka legen-legen jagung kang awujud sirup
  • 0.2 nganti tekan 0.5% ngandhut stabiliser lan emulsifier
  • 55% nganti tekan 64% ngandhut banyu kang saka susu utawa bahan liyané.

Komposisi iku kalebu prosentase kang abot. Wiwit es krim bisa kaisi akèhé punjul separone volume udara, angka-angka iku bisa dikurangi akèhé separone saka volumene. Yeng dienggo diet, prosentase abot kang luwih relevan. Malahan prodhuk cendhèk lemak duwé kandhutan kalori kang dhuwur: Ben lan Jerry Vanilla Fudge tanpa gajih ngandhut 150 kalori per separo cangkir amarga kadar gulané akèh.[3]

Cathetan sikil besut

  1. "Ice Cream Labeling: What Does it all Mean?". International Foodservice Distributors Association. Diarsip saka asliné ing 2008-05-14. Dibukak ing 2008-08-09.
  2. Goff, H. Douglas. "Ice Cream Ingredients". Dairy Science and Technology Education Series. University of Guelph. Dibukak ing 2008-08-09.
  3. Kendall, Pat (2000-06-25). "Ice Cream-What's in a Scoop?". Colorado State University. Diarsip saka sing asli ing 2008-05-30. Dibukak ing 2008-08-09.

Pranala njaba besut

Uga delengen besut