Sindu Putra
Sindu Putra (lair ing Bali, 31 Juli 1968; umur 56 taun) inggih punika salah satunggalipun seniman saking Indonésia. Namanipun sampun misuwur lumantar sapérang karyanipun awujud geguritan ingkang dipunmot ing sawenèh ariwarta lan kalawarta. Awit saking kaprigelanipun, Sindu Putra nampi pangaji saking Kusala Sastra Khatulistiwa lumantar karyanipun ing kategori geguritan kanthi sesirah Dongèng Anjing Api ing taun 2009.[1][2][3]
Latar wingking
besutSindu Putra lair ing Bali, tanggal 31 Juli 1968. Nelatèni nyerat awit taksih wonten Sekolah Menengah Pertama (SMP), taun 1982. Kawitanipun, karyanipun dipunmot ing Bali Post Minggu (1982). Salajengipun karyanipun uga dipunmot ing ariwarta saking Yogyakarta lan Jakarta antawisipun Nusatenggara, Minggu Pagi, Merdeka Minggu, Hai, Bentara Kompas, Tempo, Media Indonesia, Jurnal Cak, Jurnal Puisi dan Kalam. Karya sanèsipun karonce wonten sajeroning antologi Perjalanan (SMK, 1990), Batu Beramal (HP3N Batu,1994), Bunga Rampai Puisi Bali (1996), lan Bali The Morning After (1999). Buku geguritan ingkang sampun dipunbabar inggih punika Kemah Malam Burung Malam (Pojok Sanur Interprise (2000), Rumah Ilalang (sesarengan IAO Suwati Sideman ,2003). Sindu Putra naté katimbalan ngrawuhi adicara Winternachten Overzee ing Yogyakarta (2001), maos geguritan ing Ubud Writers & Readers Festival, Bali 2004. Taun 2005 piyambakipun kasil menang wonten adon-adon Cisadane Award (Dewan Kesenian Tangerang).
Ugi pirsani
besutRujukan
besut- ↑ Kusala Sastra Khatulistiwa: Kusala Sastra Khatulistiwa Archived 2015-02-23 at the Wayback Machine., diakses 30 April 2017
- ↑ Balisaja: Bali Saja, diakses 30 April 2017
- ↑ Kutubuku: Kutu Buku: 60 puisi Indonesia terbaik 2009 Archived 2016-03-04 at the Wayback Machine., diakses 30 April 2017
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |