Jaringsana

Situs jaringan (Inggris: website) utawa situs^[1] yaiku pirang-pirang kaca web kang duwé topik kang gathuk, ana uga kang diwènèhi berkas-berkas gambar, video, utawa manéka jinis berkas liyané.^[2] Sawijining situs web racaké papané ana ing siji server web kang bisa diakses liwat jaringan kaya internet, utawa jaringan wewengkon lokal (LAN) kanthi alamat internet kang karan URL. Gabungan kabèh situs kang bisa diakses publik ana ing internet uga karan Waring Wera Wanua utawa luwih kondhang diarani WWW. Ewasemana kaca utama situs internet racaké bisa diakses publik kanthi bébas, ing prakteke ora kabèh situs bisa mènèhi kabebasan marang publik kanggo ngakses, sapérangan situs web ngawajibake pangunjung kanggo ndaptar dadi anggota, utawa bisa uga njaluk bayaran supaya bisa dadi anggota lan bisa ngakses isi kang ana ing situs web iku, kaya ta situs kang nampilake pornografi, situs-situs pawarta, surel (e-mail), lan liya-liyané. Watesan-watesan iki ana jalaran keamanan, ngurmati privasi, utawa amarga tujuan komersil tartamtu.

Halaman web yaiku berkas kang ditulis kanggo berkas teks biyasa (plain text) kang diatur lan dikombinasi nganggo instruksi-instruksi kang berbasis HTML, utawa XHTML, kala-kala disisipi basa skrip sathithik. Berkas iku banjur diterjemahake déning peramban web lan ditedhahake kaya halaman ing monitor komputer.

Halaman-halaman web iku diakses déning naraguna liwat protokol komunikasi jaringan kang diarani HTTP, kanggo tambahan ningkatake aspek keamanan lan aspek privasi kang luwik becik, situs web bisa uga nganggo implementasi mekaisme pangaksesan kanthi protokol HTTPS.

Sajarah

Sing nemu situs web yaiku Sir Timothy John ¨Tim¨ Berners-Lee, déné situs web kang kasambung karo jaringan ana wiwit taun 1991. Karepe Tim nalika gawé rancangan situs web yaiku kanggo supaya gampang anggoné ijolan lan nambah informasi anyar antarané panaliti ing papan nyambut gawé. Tanggal 30 April 1993, CERN (papan Tim padha nyambut gawé) ngumumake manawa WWW bisa dinggo kanthi gratis déning publik.

Sawijining situs web bisa wujud asil nyambut gawé saka perorangan utawa individu, utawa nedhahake kepemilikan saka siji organisasi, perusahaan. Parembugan ing situs web racaké duwé rujukan topik mirunggan, utawa kawigaten tartamtu. Sawijining situs web bisa diwènèhi isi pranala kang bisa gayut karo situs web liyané, semana uga situs web liyané. Bab iku mau marai ora bisa dibédakaké situs web kang digawé individu karo situs web kang digawé déning organisasi ora pati cetha.

Situs web racaké papané ana ing server web. Sawijining server web racaké wus diwènèhi piranti-piranti lunak mirunggan kanggo nangani pengaturan nama ranah, uga nangani layanan atas protokol HTTP kang diarani Server HTTP (Inggris: HTTP Server) kaya ta Apache HTTP Server, atau Internet Information Services (IIS).

Situs web statis

Situs web statis yaiku situs web kang duwé isi kang ora dilebokake kanggo diperbarui kanthi berkala, dadi pengaturan utawa pemutakhiran isi situs web dilakokake kanthi manual. Jinising piranti utilitas ana telu kang biyasa dinggo ngatur situs web statis:

Editor teks yaiku piranti utilitas kang dianggo nyunting berkas halaman web, kaya ta: Notepad utawa TextEdit.
Editor WYSIWYG, yaiku piranti lunak utilitas kanggo nyunting halaman web kang diwènèhi antarmuka grafis nalikane gawé rancangan lan désain, berkas halaman web lumrahe ora disunting kanthi langsung déning naraguna nanging utilitas iki gawé kanthi otomatis saka laman kerja kang digawé déning naraguna. Piranti lunak iki kaya ta: Microsoft Frontpage, Macromedia Dreamweaver.
Editor berbasis templat, sapérangan utilitas tartamtu kaya Rapidweaver lan iWeb, naraguna bisa gampang anggoné gawé situs web tanpa kudu ngerti basa HTML, nanging nyunting halaman web kaya nalika nyunting halaman biyasa, naraguna bisa milih templat kang bakal dinggo déning utilitas iki kanggo nyunting berkas kang digawé naraguna lan digawé dadi halaman web kanthi otomatis.

Situs web dinamis

Situs web dinamis yaiku situs web kang kanthi spesifik didésain supaya isi ing sajeroning situs bisa diperbarui kanthi berkala lan gampang. Isi kang ana ing situs web iki lumrahe bakal ganti sawisé siji periode tartamtu. Situs pawarta yaiku conto jinising situs kang lumrahe nganggo situs web dinamis.

Pengimplementasian situs web dinamis lumrahe butuh kaanan infrastruktur kang luwih kompleks tinimbang situs web statis. Kuwi mau amarga ing situs web dinamis halaman web lumrahe lagi digawé nalika ana naraguna kang ngakses, béda karo situs web statis kang lumrahe wus gawé sapérangan halaman web nalika diunggah ing server web saéngga nalika naraguna ngakses web iku server web mung menegi halaman iku tanpa prelu gawé dhisik.

Supaya server web bisa gawé halaman web nalika naraguna ngakses, lumrahe ing server diwènèhimesin penerjemah basa skrip (PHP, ASP, ColdFusion, utawa liyané), lan piranti lunak sistem manajemen basisdata relasional kaya MySQL.

Struktur berkas siji situs web dinamis lumrahe béda karo situs web statis, berkas-berkas ing situs web statis lumrahe saka sekumpulan berkas kang mbentuk situs web. Béda karo situs web statis, berkas-berkas ing situs web dinamis lumrahe saka pirang-pirang berkas kang mbentuk perangkat lunak aplikasi web kang bakal dilakokake denging mesin penerjemah server web, gunané supaya bisa ngatur anggoné gawé halaman web nalika halaman dijaluk naraguna.

Cathetan suku

↑ "site-definition of site by the Free Online Dictionary, Thesaurus and Encyclopedia" . Thefreedictionary.com. Dibukak ing 2011-07-02.
↑ "website-definition of website by the Free Online Dictionary, Thesaurus and Encyclopedia" . Thefreedictionary.com. Dibukak ing 2011-07-02.

C

Deleng uga

ICANN

Pranala njaba

Artikel iki minangka artikel rintisan. Kowé bisa ngéwangi Wikipédia ngembangaké.

[1] "site-definition of site by the Free Online Dictionary, Thesaurus and Encyclopedia" . Thefreedictionary.com. Dibukak ing 2011-07-02.

[2] "website-definition of website by the Free Online Dictionary, Thesaurus and Encyclopedia" . Thefreedictionary.com. Dibukak ing 2011-07-02.

[1]

[2]