Spirogyra
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Spirogyra | |
|---|---|
| |
| Klasifikasi ngèlmiah | |
| Karajan: | Protista |
| Dhivisi: | Charophyta |
| Ordho: | Zygnematales |
| Famili: | Zygnemataceae |
| Génus: | Spirogyra |
Spirogyra inggih punika Chlorophyta (ganggang ijo) ingkang gadhah struktur badan filamen.[1] Filamen punika wiyaripun udakawis 10-100 mikromèter kaliyan dawanipun saged ngantos sawatawis sèntimèter.[1] Langkung saking 400 spésies Spirogyra gesang ing habitat toya tawar.[1] Filamen Spirogyra ngandhut sel silinder utawi sub-silinder ingkang kasusun mawi cara linear.[1] Trakadhang Spirogyra mbentuk permandhani ingkang warninipun ijem kaliyan ngambang ing lumah toya.[1]
Klasifikasi
besutSpirogyra dipunklasifikasikaken ing karajan Protista ingkang kawangun saking organisme ingkang gadhah struktur sèl prasaja.[1] Spirogyra kalebet ing filum Chlorophyta mawi kelas Zygnematophyceae.[1] Kulawarga saking Spirogyra inggih punika Zygnemataceae, déné ordonipun inggih punika ordho Zygnematales.[1] Nama èlmiyah Spirogyra inggih punika Spirogyra sp., mawi nama spésies ingkang manéka warni.[1]
Struktur Badan
besutBadan Spirogyra gadhah wujud filamen.[2] Dawa badanipun saged ngantos 1 kaki (30,48 cm).[2] Benang-benang punika kasusun saking protoplasma ingkang transparan kaliyan saben sèl gadhah satunggal utawi langkung saking satunggal kloroplas.[2] Benang punika ndawa saking pucuk tumuju pucuk, saéngga wangunipun kados spiral.[2] Ing kloroplas ingkang wangunipun pita wonten pirenoid ingkang kasusun selang-seling.[2] Pirenoid punika dipunkupengi déning pringkilan glepung.[2]
Struktur Sèl
besutSel Spirogyra gadhah inti ingkang dumunung ing tengah, sitoplasmanipun kabungkus déning dinding sèl.[2] Dinding sèlipun wonten kalih lapisan, inggih punika lapisan selulosa njawi kaliyan lapisan ing sajeronipun pèktin.[2] Sèl Spirogyra gadhah vakuola ingkang ageng.[2] Lapisan gelatin ingkang tipis ngayomi sadaya sèl, saéngga maringi karakter tartamtu dhateng Spirogyra.[2]
Réprodhuksi
besutRéprodhuksi Spirogyra mawi kalih cara, inggih punika mawi cara aseksual kaliyan sèksual.[3] Réprodhuksi asèksual mawi fragmentasi mbentuk aplanospora, akinet, kaliyan partenospora.[3] Déné réprodhuksi sèksualipun mawi cara konjugasi lateral kaliyan konjugasi skalar.[3]
Konjugasi Lateral
besutGamèt kadhapur ing filamen tunggal.[3] Kalih sèl ingkang sisihan ing sacelakipun dinding sèl malang maringi brenjolan ingkang dipunwastani tabung konjugasi. Salajengipun mbentuk saluran konjugasi ing kontak.[3] Sitoplasma tanang ngalami migrasi liwat saluran konjugasi, nggabung kaliyan wadon.[3]
Konjugasi Skalar
besutKonjugasi skalar mbetaheken asosiasi saking kalih filamen ingkang bènten, mbaris, inampingan sapérangan utawi sadaya dawanipun.[3] Salah satunggaling saben sèl saking filamen mbaris nuwuhaken brenjolan tabung ingkang dipunwastani tabung konjugasi.[3] Tabung punika ndawa, garing, ingkang ancasipun kanggé ndamel pérangan ingkang dipunwastani saluran konjugasi.[3] Sitoplasma ingkang dados tanang mlampah ngliwati tabung kaliyan sitoplasma wadon, sarta sekring gamèt kanggé mbentuk satunggal zygospore.[3]
Mupangat
besutSpirogyra punika fitoplankton ingkang fungsinipun dados panganan iwak.[3] Dhaérah ingkang kathah plankton inggih punika tlatah toya ingkang kathah iwak.[3] Spirogyra ugi dados prodhuser primèr, inggih punika ingkang nyameptakaken bahan organik kaliyan oksigèn kanggé kéwan-kéwan ingkang gesang ing toya, kados ta iwak, urang, kaliyan gegremet air.[3] Wontenipun prodhuser ngundang tekané konsumèn, prédhator, kaliyan organisme sanès ingkang mbentuk ékosistem perairan.[3]