Wikipédia

Stephen Breyer

Stephen Gerald Breyer (/ˈbraɪ.ər/; lair 15 Agustus 1938) iku Hakim Agung ing Mahkamah Agung Amérikah Sarékat. Panjenengané iku salah sawijining pokrul, uga dadi profésor lan ahli ukum. Sabanjuré panjenengané diangkat menyang Mahkamah Agung déning Présidhèn Bill Clinton ing taun 1994. Panjenengané lumrah misuwur awit pandengané kang luwih liberal.[1]

Stephen Breyer
Hakim Agung ing Mahkamah Agung Amérikah Sarékat
Wiwit linggih
3 Agustus 1994
DicalonakéBill Clinton
Kang sadurungéHarry Blackmun
Hakim Pangarsa ing Pangadilan Bandhing Tingkat I Amérikah Sarékat
Linggih
Maret 1990 – 3 Agustus 1994
Kang sadurungéLevin H. Campbell
Kang sawiséJuan R. Torruella
Hakim ing Pangadilan Bandhing Tingkat I Amérikah Sarékat
Linggih
10 Dhésèmber 1980 – 3 Agustus 1994
DicalonakéJimmy Carter
Kang sadurungéSeat established
Kang sawiséSandra Lynch
Rerincèn dhiri
LairStephen Gerald Breyer
(1938-08-15) Agustus 15, 1938 (umur 86)
San Francisco, California, U.S.
SisihanJoanna Hare (o. 1967)
Anak3
WiyataStanford University (BA)
Magdalen College, Oxford (BA)
Harvard University (LLB)

Babad urip

besut

Breyer lair tanggal 15 Agustus 1938 ing San Francisco, California.[2] Wong tuwané ya iku Anne A. (née Roberts) lan Irving Gerald Breyer,[3] salah sawijining kulawarga Yahudi kelas madya. Irving Breyer iku panasékat ukum kanggoné Dhéwan Pawiyatan San Francisco.[4] Stephen Breyer lan adhi lanangé, Charles, iku sawijining hakim dhistrik fédheral, lan karoné iku uga minangka anggota Pramuka Wulung (Eagle Scout) saka Pasukan San Francisco 14.[5][6] Simbah buyuté Breyer rémigrasi saka Rumani menyang Amérikah Sarékat, nuli manggon ing Cleveland, ya iku uga dadi papan simbahé Breyer dilairaké.[7]

Ing taun 1955, Breyer lulus saka Lowell High School. Ing Lowell, panjenengané iku minangka anggota saka Lowell Forensic Society lan mèlu dhebat kanthi ajeg ing turnamèn pawiyatan madya. Ing turnamèn iku panjenengané uga tau adu dhebat kalawan Jerry Brown kang tembéné dadi Gubernur California lan Laurence Tribe kang tembéné dadi profésor Harvard Law School.[4]

Sawisé lulus saka Pawiyatan Madya Inggil, banjur Breyer lumebu jurusan filsafat ing Stanford University lan lulus taun 1959 kanthi nyandhang gelar Bachelor of Arts kang pinuji.[8] Panjenengané kanugrahan Béyasiswa Marshall kang dipigunakaké kanggo nyinaoni filsafat, pulitik, lan ékonomi ing Magdalen College, Oxford.[9] Panjenengané banjur bali menyang Amérikah Sarékat kanggo nutugaké kuliah ing Harvard Law School, wondéné panjenengané iku dadi anggota Harvard Law Review lan lulus ing taun 1964 kanthi nyandhang gelar Bachelor of Law lan pinuji kalawan magna cum laude.[10]

Ing taun 1967 Breyer krama kalawan Joanna Freda Hare, sawijining psikolog lan anggota aristokrasi Inggris, minangka putri ragilé John Hare ya iku 1st Viscount Blakenham. Saka kramané iku, Breyer nduwèni telung anak ya iku: Chloe, sawijining imam Épsikopal lan uga panulis The Close; Nell; lan Michael.[11]

Karir ukum

besut

Breyer ngayahi wajib minangka gripir utawa juru panitra ing Associate Justice Arthur Goldberg sasuwéné kala mangsa 1964 lan uga mengku wajib minangka juru pamriksa sunyata kanggo Kumisi Warren. Panjenengané makarya ing U.S. Department of Justice's Antitrust Division minangka asistèn mirunggané Asistèn Jeksa Agung awit taun 1965 nganti 1967, lan panjenengané uga dadi asistèn jeksa panuntut mligi ing Watergate Special Prosecution Force nalika taun 1973. Breyer uga minangka panasékat mligi ing Komité Sénat AS babagan pradilan nalika taun 1979 nganti 1980.[11] Panjenengané uga cerak karo pangarsa komité, Sénator Edward M. Kennedy kang nglolosaké Airline Deregulation Act utawa Angger-Angger Dhérégulasi Dirgagatra, wondéné angger-angger iku mau nutup Civil Aeronautics Board utawa Dhéwan Dirgantara Sipil.[4][12]

Breyer iku sawijining dhosèn, asistèn profésor, lan profésor hukum ing Harvard Law School awit taun 1967. Panjenengané piniji minangka profésor ing Harvard Law School nganti taun 1980 lan nganakaké pepatahan bebarengan ing Harvard's Kennedy School of Government wiwit taun 1977 nganti 1980. Ing Harvard, Breyer kondhang minangka juru hukum administrasi.[13] Nalika ing kono, panjenengané nulis rong buku babagan dhérégulasi ya iku: Breaking the Vicious Circle: Toward Effective Risk Regulation lan Regulation and Its Reform. Ing taun 1970, Breyer nulis The Uneasy Case for Copyright ya iku salah sawijining panlitèn sképtis kang dirujuk babagan hak cipta. Breyer minangka profésor dhayoh ing College of Law Sydney Australia, University of Rome, lan Tulane University Law School.[14]

Pangaji-aji

besut

Ing taun 2007, Breyer antuk pangaji-aji Distinguished Eagle Scout Award saka Boy Scouts of America.[15] Banjur ing taun 2018, Breyer dicalonaké dadi pangarsa juri Pritzker Architecture Prize ya iku sawisé lèngsèré Glenn Murcutt.[16]

Rujukan

besut
  1. ↑ Kersch, Ken (2006). "Justice Breyer's Mandarin Liberty". University of Chicago Law Review: 822. Diarsip saka asliné 2017-12-26. Dibukak ing 2020-02-11.{{cite journal}}: CS1 maint: bot: original URL status unknown (link)
  2. ↑ Urofsky, Melvin I. (2006). Biographical encyclopedia of the Supreme Court : the lives and legal philosophies of the justices. Washington, D.C.: CQ Press. ISBN 978-1-4522-6728-9. OCLC 808373985.
  3. ↑ "Genealogy records". Ancestry.com. 2020-02-12. Diarsip saka asliné 2013-12-24. Dibukak ing 2020-02-12.{{cite web}}: CS1 maint: bot: original URL status unknown (link)
  4. ↑ a b c "Stephen G. Breyer". Oyez.org (ing basa Inggris). 2020-02-12. Dibukak ing 2020-02-12.
  5. ↑ Townley, Alvin. (2007). Legacy of honor : the values and influence of America's Eagle Scouts (édhisi ka-1st ed). New York: Thomas Dunne Books. ISBN 0-312-36653-1. OCLC 74460706. {{cite book}}: |edition= has extra text (pitulung)
  6. ↑ "What It Means to Be an Eagle Scout". scoutingmagazine.org. Dibukak ing 2020-02-11.
  7. ↑ Slater, Elinor, 1944- (1996). Great Jewish men. Middle Village, N.Y.: J. David. ISBN 0-8246-0381-8. OCLC 32201895.{{cite book}}: CS1 maint: multiple names: authors list (link)
  8. ↑ Toobin, Jeffrey. "Breyer'S Big Idea". The New Yorker (ing basa Inggris). Dibukak ing 2020-02-11.
  9. ↑ United States. Congress. Senate. Committee on the Judiciary. (1995). Nomination of Stephen G. Breyer to be an associate justice of the Supreme Court of the United States : hearings before the Committee on the Judiciary, United States Senate, One Hundred Third Congress, second session ... July 12, 13, 14, and 15, 1994. Washington: U.S. G.P.O. ISBN 0-16-046946-5. OCLC 32332024.
  10. ↑ "Washington Life Magazine: Holyday 2006: Pollywood". www.washingtonlife.com. Dibukak ing 2020-02-11.
  11. ↑ a b "Current Members". www.supremecourt.gov. Dibukak ing 2020-02-11.
  12. ↑ "Opinion: Who'll Really Benefit from Net Neutrality Regulation?". www.cbsnews.com (ing basa Inggris Amérika Sarékat). Dibukak ing 2020-02-11.
  13. ↑ Jasanoff, Sheila (1994). "The dilemmas of risk regulation – Breaking the Vicious Circle by Stephen Breyer". BNET. Diarsip saka asliné 2013-08-21.{{cite web}}: CS1 maint: bot: original URL status unknown (link)
  14. ↑ "Tulane Law School - Study Abroad". Dibukak ing 2020-02-12.
  15. ↑ "News Briefs". scoutingmagazine.org. Dibukak ing 2020-02-11.
  16. ↑ "U.S. Supreme Court Justice Stephen Breyer Named Chair of Pritzker Architecture Prize Jury". www.architectmagazine.com. Dibukak ing 2020-02-12.
Dijupuk saka "https://jv.wikipedia.org/w/index.php?title=Stephen_Breyer&oldid=1650058"