Street Kings
Street Kings ya iku filem thriller laga saka Amérikah Sarékat sing digawé ing taun 2008. Filem iki disutradarani David Ayer, adhedasar skénario anggitané James Ellroy, Kurt Wimmer, lan Jamie Moss, diangkat saka lakon asli karyané Ellroy sing dianggit taun 1980, kanthi sesirah The Night Watchman. Sing maragani filem iki antarané Keanu Reeves, Forest Whitaker, Hugh Laurie, Chris Evans, Common. Street Kings dibabar kanggo pamirsa tanggal 11 April 2008.
| Street Kings | |
|---|---|
 Promotional movie poster | |
| Disutradarani | David Ayer |
| Diprodhuseri | Lucas Foster Alexandra Milchan Erwin Stoff |
| Diskénariyoni | James Ellroy Kurt Wimmer Jamie Moss |
| Carita déning | James Ellroy |
| Dibintangi | Keanu Reeves Forest Whitaker Hugh Laurie Chris Evans Common The Game |
| Dimusiki | Graeme Revell |
| Sinématografi | Gabriel Beristain |
| Dibesut déning | Jeffrey Ford |
Perusahaan prodhuksi | |
| Dibabar déning | Fox Searchlight Pictures |
Tanggal metu | |
Suwéné | 109 menit |
| Nagara | Amérikah Sarékat |
| Basa | Basa Inggris |
| Rantaman | $20 yuta |
| Kalarisan | $65.6 yuta[1] |
Latar wuri
besutStreet Kings sajatiné proyek sing wis dirintis saka taun 2005 sing saorané naté nyalonké rong sutradara (Spike Lee lan Oliver Stone), nanging pungkasané dijupuk déning David Ayer, panganggit skénario filem Training Day. Lan Keanu Reeves, sawisé maragakaké ing filem The Lake House, didhapuk dadi paraga baku. Filem iki nyritakaké bab Tom Ludlow (Keanu Reeves), sawijiné petugas kepolisian Los Angeles sing nandang kasusahan nglakoni uripé sawisé ditinggal mati déning bojoné. Tom sing ngayahi tugas sangisoré komando Kapten Jack Wander (Forest Whitaker) tansah ndem-ndeman saben dinané. Tom nyawiji ing kesatuan Kapten Jack Wander sing kadhang kala nggunakaké cara ora bener yèn ngrampungké prakara. Siji lan liyané padha nutupi boroké.
Sawijining dina, Tom, kanthi cara sing ora bener, kasil ngrampungaké sawijiné prakara penculikan bocah kembar. Sawisé cah loro kembar mau kasil dislametaké, Tom ditekani déning Terrence Washington (Terry Crews), bekas kancané Tom. Terrence nyoba ngélingaké Tom yèn ora kudu nganggo cara-cara sing ora bener. Pungkasané Tom krungu yèn Terrence dijak tembayatan déning Kapten James Biggs (Hugh Laurie) lan nyelidhiki kesatuané Tom. Tom nesu banjur nggolèki Terrence. Tom kasil nemu Terrence sing lagi lumebu ing salah sawijiné pasar swalayan lan péngin ngantemi Terrence. Sadurungé Tom nyembadani pepéningané, ana wong loro nggawa senjata lumebu ing swalayan uga. Tom péngin mènèhi ngerti Terrence, nanging telat, amarga tembak-tembakan kadhung dumadi, lan Terrence mati. Cilakané, salah sijiné peluru sing metu saka pestolé Tom jebul kena ing sisih mburiné Terrence. Untung baé Kapten Jack Wander teka lan ngaubi Tom kanthi ngowahi carita sing sabeneré. Pungkasané kadungkap yèn ana peluru liyané sing tinemu ing awaké Terrence.
Box office
besutMula bukané, filem iki arep dibabar déning Fox Searchlight Pictures udakara sasi April 2008 kanthi sesirah The Night Watchman nanging pungkasané sesirah Street Kings sing kapilih. Sanajan filem akèh sing maido, nyatané filem iki kasil lumebu box office lan ngeruk bathi US$ 12 juta.[2][3][4][5][6][7]
Ingkang maragani
besut- Keanu Reeves
- Forest Whitaker
- Hugh Laurie
- Chris Evans
- Cedric the Entertainer
- Common
- Cle Shaheed Sloan The Game
- Jay Mohr
- Terry Crews
- Naomie Harris
- Martha Higareda
- John Corbett
- Amaury Nolasco
- Clifton Powell
- Noel Gugliemi
- Daryl Gates
- Angela Sun
- Michael Monks
- Kenneth Choi
- Walter Wong
Rujukan
besut- ↑ http://www.boxofficemojo.com/movies/?id=streetkings.htm
- ↑ http://www.rottentomatoes.com/m/street_kings/
- ↑ "Street Kings (2008): Reviews". Metacritic. Dibukak ing 2014-10-25.
- ↑ "Street Kings (2008) - Weekend Box Office Results". Box Office Mojo. IMDB. Dibukak ing 2008-08-01.
- ↑ "The Night Watchman Movie - Keanu Reeves to Star in The Night Watchman (Street Kings)". Movies.about.com. 2004-11-16. Dibukak ing 2012-05-22.
- ↑ "The Night Watchman Movie - Oliver Stone May Direct The Night Watchman (Street Kings)". Movies.about.com. 2005-04-25. Dibukak ing 2012-05-22.
- ↑ var authorId = "" by IGN FilmForce. "IGN: Stone Denies Night Watchman". Filmforce.ign.com. Dibukak ing 2012-05-22.