Studio Ghibli

Studio Ghibli, Inc.
株式会社スタジオジブリ
Type	Kabushiki gaisha
Industry	Filem; Dolanan vidio; Iklan télévisi
Predecessor	Topcraft
Founded	Tokyo, Japan; (15 Juni 1985; 39 taun kapungkur)
Founders	Hayao Miyazaki; Toshio Suzuki; Isao Takahata; Yasuyoshi Tokuma;
Headquarters	Koganei, Tokyo, Japan
Key people	Koji Hoshino; (Présidhèn); Hayao Miyazaki; (Diréktur); Toshio Suzuki; (Diréktur éksekutif)
Products	Filem animasi (anime), filem télévisi, iklan, filem aksi langsung.
Net income	¥1,426 billion (2011)
Total assets	¥15,77 billion (2011)
Number of employees	150 (2016)
Website	www.ghibli.jp

Koordhinat: 35°42′11.5″N 139°31′44.9″E / 35.703194°N 139.529139°E / 35.703194; 139.529139

Studio Ghibli, Inc. (株式会社スタジオジブリ Kabushiki-gaisha Sutajio Jiburi^?) inggih punika studhio filem animasi ingkang mapan wonten ing Koganei, Tokyo, Jepang.^[1] Filem-filem animasi ingkang dipundamel asring ngandut unsur-unsur ingkang provokatif, imajinatif, émosional lan sampun misuwur wonten ing saubenging donya.

Asma punika dipunpundhut saking asma celukan ingkang diagem déning tiyang-tiyang Itali kanggé nyebat montor mabur ingkang nginceng Sahara nalika Perang Donya II; asma punika anggadhahi teges hawa panas ingkang mabur angléwati ara-ara Sahara (sirocco). Sanadyan tembung punika kapundhut saking basa Itali nanging tembung punika dipunserat saking tembung qibli (قبلي) lan miturut padatan étimologis, tembung punika kapundhut saking tembung “qibla” utawi kéblat, wonten ing basa Jepang tembung punika dipunucapaken ‘ji-bri’ utawi ‘ji-bu-ri’. Babagan tegesipun nama punika saged dipunpratélakaken bilih studio punika nembé andamu angin ingkang énggal kanggé indhustri animasi.^[2]^[3]

Studio Ghibli diyasa nalika warsa 1985, Ghibli dipunpandégani déning sutradara ingkang sampun misuwur ingkang asma Hayao Miyazaki (宮崎駿 Miyazaki Hayao) sesarengan kaliyan kanca lan ugi pamomongipun , Isao Takahata (高畑勲 Takahata Isao). Wiwitanipun Studio Ghibli inggih ugi saged dipunpirsani wiwit warsa 1983, kanthi filem Nausicaä of the Valley of the Wind (風の谷のナウシカ Kaze no tani no Naushika, 1984) ingkang sadéréngipun wujud manga (komik sembatan) ingkang dipunédharaken déning kalawarti manga Tokuma Shoten (徳間書店). Tokuma inggih punika babonipun perusahaan Studio Ghibli, lan sampun ngaturaken dateng Disney hak-hak video kanggé wolung filem sarta hak pangédharan internasional kanggé filem Princess Mononoke (もののけ姫 Mononoke Hime, 1997) lan Spirited Away (千と千尋の神隠し Sen to Chihiro no Kamikakushi, 2001). Filem ingkang paling énggal punika Howl's Moving Castle, (ハウルの動く城 Hauru no ugoku shiro, 2004) leresipun adaptasi saking buku seratanipun Karajaan Manunggal, Diana Wynne Jones ingkang sampun dipunédharaken ing sapérangan nagari ugi Amerika Sarekat lan Kanadha. Tukang merdawa musik Joe Hisaishi sampun anyiagakaken soundtrack kanggé sapérangan filem-ipun Studio Ghibli.

Filem Ghibli ingkang sanésipun padamelan saking Miyazaki lan sampun misuwur ugi angsal pangalambana inggih punika Grave of the Fireflies (火垂るの墓 Hotaru no Haka, 1988), dipunsutradarani déning Isao Takahata, sakmenika filem panglipur ingkang nyariosaken kakang adi ingkang dipuntilar suwargi kaliyan bapa ibunipun nalika zaman sasampunipun Perang Donya II ing Jepang.^[4]

Filem

Nausicaä of the Valley of the Wind (1984)^[5]
Castle in the Sky (1986)
Grave of the Fireflies (1988)
My Neighbor Totoro (1988)
Kiki's Delivery Service (1989)
Only Yesterday (1991)
Porco Rosso (1992)
Ocean Waves (1993)
Pom Poko (1994)
Whisper of the Heart (1995)
On Your Mark (1995) (video klip)
Princess Mononoke (1997)
My Neighbors the Yamadas (1999)
Shiki-Jitsu (2000) (sangandhapipun live action Studio Kajino)
Spirited Away (2001)
The Cat Returns (2002) (sékuél dateng Whisper of the Heart)
Ghiblies Episode 2 (2002) (dipunsetél sesarengan kaliyan The Cat Returns)
Innocence: Ghost in the Shell (2004) (dipundamel sesarengan kaliyan Production I.G.)
Howl's Moving Castle (2004)
Tales from Earthsea (2006)
Ponyo on the Cliff by the Sea (2008)
The Secret World Of Arrietty (2010)
From Up On Poppy Hill (2011)
The Wind Is Rising (2013)
The Tale of the Princess Kaguya (2013)
When Marnie Was There (2014)

Isao Takahata mendhet saking film Michel Ocelot Kirikou et la sorcière wonten ing basa Jepang, lan filem punika dipunédharaken wonten ing nagri Jepang déning Studio Ghibli. Sanésipun, Ghibli ugi andamel film cekak Takahata wonten ing warsa 2004 kanthi irah-irahan Winter Days.

Dolanan

Ni no Kuni: Wrath of the White Witch (2010)

Rujukan

↑ "スタジオジブリの概要". Dibukak ing 2017-11-22.
↑ ジブリという名前の由来は？ . Dibukak ing September 3, 2013.
↑ The Birth of Studio Ghibli, Nausicaä of the Valley of the Wind DVD, Walt Disney Home Entertainment, 2005.
↑ Rose, Steve (2013-05-23). "Grave of the Fireflies – review". The Guardian (ing basa Inggris Karajan Manunggal). ISSN 0261-3077. Dibukak ing 2017-11-24.
↑ Filem punika asring dipunsebat pandamelan saking Studio Ghibli, nanging filem punika dipundamel saderengipun Ghibli dipunyasa.

[1] "スタジオジブリの概要". Dibukak ing 2017-11-22.

[name-ghibli-2] ジブリという名前の由来は？ . Dibukak ing September 3, 2013.

[SG1-3] The Birth of Studio Ghibli, Nausicaä of the Valley of the Wind DVD, Walt Disney Home Entertainment, 2005.

[4] Rose, Steve (2013-05-23). "Grave of the Fireflies – review". The Guardian (ing basa Inggris Karajan Manunggal). ISSN 0261-3077. Dibukak ing 2017-11-24.

[5] Filem punika asring dipunsebat pandamelan saking Studio Ghibli, nanging filem punika dipundamel saderengipun Ghibli dipunyasa.

[1]

[2]

[3]

[4]

[5]