Taman Kadhaton Osaka
Taman Kadhaton Osaka (大阪城公園 Ōsakajō-kōen?) inggih punika papan awujud taman ingkang mapan wonten ing sakiwa tengenipun Astana Osaka, kutha Osaka, Jepang. Taman punika dipunbikak nalika 6 November 1931 kanthi wiyar 106.7 hektar [1]. Ing kawasan taman punika wonten Astana Osaka ingkang dipunyasa déning Toyotomi Hideyoshi. Papan punika naté dados médan tempur lajeng ingkang dipunwastani Pertempuran nalika mangsa Panas Osaka. Fasilitas kesenian lan ulah raga ing kawasan punika awujud gedung konser musik kanthi nama Osaka-Jo Hall, ruwang konser alam, lapangan bisbol, rugby, lan ugi bal-balan [2].
Wonten ing tengahing taman ingkang dados papan paling inggil wonten menara utama inggih punika Astana Osaka ingkang ginanipun punika minangka musiyum. Saking nginggil menara Astana Osaka para wisatawan saged ninggali kawontenan kutha Osaka ingkang mapan wonten ing dataran andhap Osaka, Gunung Ikoma, lan Lempongan Osaka. Tasih ing kawasan taman ugi wonten musiyum perdamaian Peace Osaka lan Taman Nishinomaru [2].
Taman Astana Osaka punika kathah tetuwuhan kados ta wit sakura, ume (prem Prunus Mume) lan persik ingkang mekrok saben wiwitan mangsa semi. Festival sekar seruni kalebet adicara taunan saben mangsa palastra ingkang dipunwontenaken ing sikiling menara utama astana. Ing pérangan sanèsipun taman wonten Taman Tradisional Jepang kanthi kolam lan kembang seroja sarta warna-warna taneman hortensia [2].
Astana Osaka
besut
Astana Osaka (大阪城 Ōsaka-jō?) inggih punika astana ingkang mapan wonten ing Taman Astana Osaka, dhistrik Chuo-ku, kutha Osaka, Jepang. Astana Osaka mapan wonten ing wewengkon paling lèr laladan Uemachi, mapan wonten ing papan ingkang paling inggil tinimbang wewengkon ingkang wonten ing sakiwa tengenipun laladan punika. Astana Osaka kalebet yasan tilaran budaya ingkang dipunjagi déning pamarèntah Jepang. Menara utami Astana Osaka ingkang inggil punika dados simbolipun kutha Osaka. Astana Osaka punika dipun-ginakaken minangka astana lan ugi bètèng saking jaman Azuchi Momoyama dumugi ingjaman Edo. Astana Osaka ingkang wonten sapunika kapérang dados menara utama ingkang dipunjagi déning kalih témbok inggil ingkang dipunubengi parit, parit ingkang pérangan jero (Uchibori) lan parit ingkang pérangan njawi (Sotobori).
Cathetan suku
besut- ↑ "Ōsaka-jō kōen". Asosiasi Pertamanan dan Ulah raga kutha Osaka. Diarsip saka sing asli ing 2007-12-15. Dibukak ing 2012-11-30.
- ↑ a b c [1][pranala mati permanèn], Indahnya Pura Taman Osaka (dipun-akses tanggal 24 November 2012).