Taman Nasional Gunung Merapi
Taman Nasional Gunung Merapi iki salah siji taman nasional kang ana ing Jawa Tengah. Miturut adiministrasi papan iki ana ing rong provinsi, ya iku Jawa Tengah lan Yogyakarta.
Papan iki dadi taman nasional kanthi dhedhasar SK Menhut 134/Menhut-II/2004 tanggal 4 Mèi 2004. Nacas tujuane digawé papan iki ya iku kanggo njaga sumber-sumber banyu, kali lan njaga sistem panguripan ing kabupatèn Sléman, Yogyakarta, Klaten, Boyolali, lan Magelang. Sadurungé dumadi kepengurusan kang ngurusi Taman Nasional Gunung Merapi, papan iki diopeni déning Balai KSDA (Konservasi Sumber Daya Alam) Yogyakarta.
Papan iki miturut géografis ana ing koordinat 07°22'33"-07°52'30" LS dan 110°15'00"-110°37'30" BT. Ambane taman nasional iki kurang luwih 6.410 ha, 5.126,01 ha mèlu Jawa Tengah lan 1.283,99 ha mèlu Daerah Istimewa Yogyakarta.
Kawasan TN G Merapi tersebut kalebu wewengkon kabupatèn-kabupatèn Magelang, Boyolali dan Klaten di Jawa Tengah, sarta Sléman di Yogyakarta. Gunung Merapi iku stratovolcano kang isih aktif kangmapan ana ing wewatesan antaran Jawa Tengah lan Yogyakarta, Indonésia. Gunung iki gunung kang paling aktif ing Indonésia lan wis asring mbledhos wiwit 1548. Papan iki ana ing 28 km (17 mil) sisih lor kutha Yogyakarta. Akèh warga kang manggon ana ing kiwa tengene gunung, mapane désa-désa iki ana ing papan kang dhuwuré 1.700 m (5.600 kaki) saka wates banyu laut.[1]
Jeneng Gunung Merapi tegesé Gunung Geni. Ètimologi jeneng saka tembung Meru-Api, saka tembung kang digabungake; Meru kang tegesé "gunung", lan geni kang tegesé geni. Keluk saka pucuk genung bisa metu saben taun. Nalika tanggal 22 Novèmber 1994 Gunung Merapi mbledhos, korbane ana 27 kang mati. Korbane iku akèh saka Muntilan, ing sisih kulone gunung Merapi.
Nalika tanggal 25 Oktober 2010 papréntahan Indonésia ngunggahake level Gunung Merapi ing level kang paling dhuwur. Pamrentah ngunggahake level iki kanggo ngelingake para warga supaya ngungsi ing papan kang luwih aman. Kanggo warga kang ana ing panggonan 20 km (12,5 mil) sakiwa tengene Gunung Merapi kudu ngungsi. Kurang luwih ana 500 lindhu vulkanik kang kecathet ing Gunung Merapi ing antarané tanggal 23-24 Oktober 2010. Wektu iku magma munggah nganti kurang luwih 1 km (3.300 kaki) sangisore lemah amarga owahe seismik. Tanggal 25 Oktober 2010 sore Gunung Merapi mbledhos lava metu ing sisih kidul lan tenggara.[2]
Cathetan suku
besut- ↑ www.bbc.co.uk(diundhuh tanggal 31 Juli 2011)
- ↑ www.thejakartapost.com Archived 2010-10-28 at the Wayback Machine.(diundhuh tanggal 31 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |