Taman Nasional Ujung Kulon

Taman Nasional Ujung Kulon iku dunungé ana ing pucuk kulon Pulo Jawa, Indonésia. Sajeroning taman iki kalebu pulo vulkanik Krakatau lan pulo liyané kaya ta Pulo Handeuleum lan Pulo Peucang. Taman iki nglimputi wewengkon kang jembaré 1.206 km² (443 km² sagara), akèh-akèhé wujud ujung kang wewatesan Samodra Hindia.

Sana Warisan Donya UNESCO

Taman Nasional Ujung Kulon
Janeng ing Pratélan Warisan Donya
Jinis	Alam
Wewaton	vii, ix
Rujukan	608
Tlatah UNESCO	Asia-Pasifik
Sujarah prasasti
Prasasti	1991 (Sési 15)

Taman iki taman nasional kapisan ing Indonésia lan diakoni UNESCO minangka Situs Warisan Donya nalika taun 1991 amarga akèh dhéwé tilasing alas udan tropis ing Pulo Jawa. Samono uga, taman iki dadi salah siji saka rong papan konsèrvasi kanggo kéwan warak jawa (Rhinoceros sondaicus) kang mèh cures. Gunggungé kéwan iki diwatara mung kari 50 nganti 60 ing Ujung Kulon, déné cacahé kang luwih sithik, mbokmanawa kari 10 utawa kurang, ana ing Taman Nasional Cat Tien, Viètnam. Kawitané, palemahan utama Ujung Kulon wujud sawah tetanèn kang pundhes déning jeblugan Gunung Krakatau dhèk taun 1883 banjur malih dadi alas.

Idin lumebu tlatah iki bisa dijupuk menyang Kantor Punjer Taman Nasional ing kutha Labuan utawa Tamanjaya. Papan panginepan ana ing Pulo Handeuleum lan Pulo Peucang.

Uga delengen

• Pratélan Taman Nasional ing Indonésia
• Géografi Indonésia

Pranala njaba

• Ujung Kulon National Park at UNESCO World Heritage website.