Géografi Indonésia
Indonésia ndarbèni 17.504 pulo (data ttaun 2004; pirsani: Gunggung pulo ing Indonésia), watara 6.000 ing antarané ora ana sing ndunungi, nyebar ing saubengé katulistiwa, kanthi hawa tropis. Pulo paling padhet sing ndunungi yaiku Pulo Jawa, punjul setengah (65%) populasi Indonésia. Indonésia dumadi saka 5 Pulo gedhé, yaiku: Jawa, Sumatra, Kalimantan, Sulawesi, lan Irian Jaya.
Indonésia duwé punjul 400 gunung geni lan 130 ing antarané kalebu gunung geni aktif. Sapérangan saka gunung geni dumunung ing dhasaring sagara lan ora lumahing sagara. Indonésia minangka papan patemon 2 rerangkèn gunung geni aktif (Ring of Fire). Ana puluhan patahan aktif ing wewengkon Indonésia.
Kaanan alam
besutSapérangan ahli mérang Indonésia dadi telung wewengkon géografis utama yaiku:
- Kapuloan Sundha Besar nyakup Pulo Jawa, Sumatra, Kalimantan, Sulawesi.
- Kapuloan Sundha Kecil nyakup Bali, Nusa Tenggara Kulon lan Nusa Tenggara Timur.
- Kapuloan Maluku lan Irian
Ing jaman es pungkasan, ssadurungé taun 10.000 SM (Sadurungé Masehi), Ing pérangan kulon Indonésia ana dharatan Sundha sing kahubung menyang bawana Asia lan memungkinkan fauna lan flora Asia pindhah menyang pérangan kulon Indonésia. Ing pérangan wétan Indonésia, ana dharatan Sahul sing kahubung menyang bawana Australia lan memungkinkan fauna lan flora Australia pindah menyang pérangan wétan Indonésia. Ing pérangan tengah ana pulo-pulo sing kapisah saka kaloro bawana mau.