Tasya
Shafa Tasya Kamila utawa kang lumrahé diundang Tasya Kamila lair ing Jakarta, 22 Novèmber 1992; umur 31 taun).[1] Wiwit populer nalika dadi bintang iklan Pepsodent lan nggawé album kang judhulé Libur Telah Tiba.[1]
| Tasya Kamila | |
|---|---|
 Tasya Kamila | |
| Lair | Shafa Tasya Kamila Novèmber 22, 1992 Jakarta, Indonesia |
| Bangsa | Indonesia |
| Pakaryan | Penyanyi, Artis, Presenter |
Karir
besutTasya Kamila wiwit lumebu ing donyaning hiburan Indonésia wiwit isih sekolah ing Taman Kanak-kanak.[1] Wektu iku Tasya Kamila ditawani dadi bintang iklan karo salah sijiné ibu.[1] Wiwit iku Tasya banjur ditawani salah sijiné biro iklan. Sawisé casting, Tasya Kamila éntuk kontrak kanggo dadi bintang iklan ing prodhuk susu.[1] Wiwit iku, Tasya Kamila terus dadi bintang iklan ing prodhuk asuransi, Department store, Keju, Pasta Gigi Permen, lan wedhak.[1] Taun 1998, anak bungsu saka sadulur kang cacahé telu iki éntuk kontrak eksklusif saka prodhuk odhol.[1] Tasya Kamila iku anak saka pasanganGatot Permadi lan Isverina.[1] Saka iklan iki Tasya Kamila banjur ditawani main sinétron.[1] Ing taun 1998, Tasya Kamila main ing sinétron kang judhulé Takdir.[1] tasya banjur main ing filem kang disiyaraké ing tivi.[1] Film iki judhulé Kupu-kupu Ungu lan Nyanyian Burung.[1] Sinetron liyané kang tau dibintangi Tasya Kamila ya iku sinétron kang judhulé Matahariku, Tasya lan Jangan Menangis Adinda.[1]
Sanajan sibuk syuting iklan lan sinétron, Tasya Kamila isih ngusahakaké supaya Tasya Kamila bisa lés nyanyi ing Bina Vokalia, lan sekolah vokal kang dikelola Elfa Secioria.[1] Sawisé iku ing taun 2000, Tasya Kamila banjur éntuk kasempatan rekaman.[1] Album perdanané ya iku Libur Tlah Tiba, kang duwé lagu andalan kang judhulé pada karo judhul albume ya iku "Libur Tlah Tiba" karangané A.T Mahmud.[2] Album kang sepisanan bisa kadol 350 èwu kopi.[2] Sawisé sukses ing albumé kang sepisanan Tasya Kamila banjur nggawé album kang nomer loro kang temané Gembira Berkumpul.[1] Album iki digawé nalika taun (2001).[2] Ing album iki Tasya Kamila isih kolaborasi karo AT. Mahmud lan Duta (Sheila on 7) ing lagu kang dikarang Eross.[2] Lagu iki judhule "Jangan Takut Gelap".[2]
Taun 2005, Tasya Kamila nggawé album The Very Best of Tasya kang isiné 14 lagu kang paling apik saka album-albume Tasya Kamila.[3] Lagu iki kaya ta "Anak Gembala", "Barisan Musik", "Jangan Takut Akan Gelap", hingga "Paman Datang".[3]
Tasya Kamila bareng karo Ricky Subagja, Marshanda, Dian Nitami, lan Farhan, nalika tanggal 20 Juni 2007 resmi diangkat dadi 'Duta Kampanye Minum Susu'.[4] Lan ana kang ngabaraké yèn Tasya Kamila nduwéni pipi kang chubby amarga ngedhot.[5]
Cathetan suku
besut- ↑ a b c d e f g h i j k l m n o p Profil ing KapanLagi.com (dipunundhuh tanggal 9 Juli 2011)
- ↑ a b c d e Gembira Berkumpul Bersama Tasya (dipunundhuh tanggal 9 Juli 2011)
- ↑ a b The Very Best Of Archived 2008-08-03 at the Wayback Machine.(dipunundhuh tanggal 9 Juli 2011)
- ↑ Duta Minum Susu (dipunundhuh tanggal 9 juli 2011)
- ↑ Tasya: Chubby Karena Ngedot(dipunundhuh tanggal 9 Juli 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |