Témbok Sesambat
Témbok Sesambat (Ivri: הַכּוֹתֶל הַמַּעֲרָבִי ,[1] kerep dicekak Kotel utawa Kosel) ya iku papan kang wigati lan dianggep suci déning wong Yahudi. Témbok iki wujud sisa témbok Omah Suci ing Yerusalem kang diyasa déning Raja Salomo (Sulaiman), putra Daud. Omah Suci iku ajur nalika Israèl diserbu wadya Romawi ing taun 70 Masehi.
Dawané témbok iki asliné watara 485 mèter, lan saiki sisané mung 60 mèter.
Wong Yahudi percaya yèn témbok iki ora mèlu ajur sebab ing kono manggon "Shekhinah" (kehadiran Ilahi). Dadi, dedonga ing kono padha waé karo dedonga marang Tuhan.
Témbok iki biyèné kaloka mung minangka Témbok Kulon,nanging saiki ingaran "Témbok Ratapan" amarga ing témbok iki wong Yahudi dedonga lan sesambat, keduwung marang dosa-dosané kanthi kebak rasa gela. Saliyané ngucap donga-donga, wong Yahudi uga nyimpen dongané kang ditulis ing salembar deluwang disisipaké ing cepitan témbok iki.
Témbok iki kapérang dadi loro nganggo pager pemisah (mechitza) kanggo misahaké lanang lan wadon. Wong Yahudi Ortodoks percaya yèn ora olèh dedonga bebarengan karo wong wadon.
Tumrap umat Muslim, témbok iki uga minangka péranganing dhasar Masjidil Aksa lan Masjidil Omar (Arab: قبة الصخرة Qubbat As-Sakhrah), sarta diyakini minangka gerbang mangkaté Muhammad tumuju swarga (nalika mi'raj) kanthi nitih Buraq
Rujukan
besut- ↑ Hebrew: Cithakan:Hebrew audio, translit.: HaKotel HaMa'aravi; Cara Ashkenazi: HaKosel HaMa'arovi