The Interpreter
The Interpreter ya iku film Amérikah Sarékat sing digawé taun 2005, disutradarani Sydney Pollack. Para juru paraga sing main ing filem iki ya iku Nicole Kidman, Sean Penn, lan Chaterine Keener. The Interpreter nyritakaké bab sawijiné juru basa sing tuhu seneng tumrap gaweané, nanging tanpa sengaja krungu pawicaran anané rancana matèni présidhèn.[1][2][3][4][5]
| The Interpreter | |
|---|---|
 Film poster | |
| Disutradarani | Sydney Pollack |
| Diprodhuseri | Tim Bevan Eric Fellner Kevin Misher |
| Ditulis déning | Martin Stellman (story) Brian Ward (story) Charles Randolph Scott Frank Steven Zaillian David Rayfiel (uncredited) |
| Dibintangi | Nicole Kidman Sean Penn Catherine Keener |
| Dimusiki | James Newton Howard |
| Sinématografi | Darius Khondji |
| Dibesut déning | William Steinkamp |
Perusahaan prodhuksi | Working Title Films Mirage Enterprises |
| Dibabar déning | Universal Pictures |
Tanggal metu | 8 April 2005 (Yunani) 15 April 2005 (Inggris) 22 April 2005 (Amérikah Sarékat) |
Suwéné | 128 menit |
| Nagara | Inggris Amérikah Sarékat |
| Basa | Basa Inggris Basa Ku |
| Rantaman | $80 yuta |
| Kalarisan | $162,944,923 |
Ringkesan
besutSilvia Broome (Nicole Kidman) tuhu nyenengi gawéané minangka juru basa ing Perserikatan Bangsa-Bangsa (PBB), New York, Amérikah Sarékat. Metu saka negarané dhèwèkan, Silvia ngarep-arep bisa ngowahi nasib negarané lumantar diplomasi lan basa. Silvia nyambut gawé minangka juru basa suku Ku, basané wong Matobo. Ing kéné, dadi juru basa ora sadrema ngalihaké basa manca, nanging kudu bisa mangertèni lan ngaturaké basa liya kanthi rikat. Perlu anané panjumbuhan kontèks tumrap basa asli marang basa sing katuju. Untung waé, Silvia katurunan saka suku Ku sing ndadèkaké ora patia kangèlan.
Silvia Broome tanpa sengaja krungu anané rancana matèni présidhèn Matobo, Edmund Zumanie, sing arep rawuh ing kantor Perserikatan Bangsa Bangsa, ing New York. Awit saka kadadéan ora sengaja ngrungokaké pawicaran anané rancana matèni présidhèn, pungkasané dhèwèké didadèkaké inceran, jalaran bisa agawé gagalé rancana kuwi. Rumangsa kaancam, Broome ngirim layang maya marang kancané, Felippe, saperlu mesthèkaké kaanan seduluré ing Matobo. Silvia uga ngomong bab prakara iki marang PBB. Sabanjuré PBB ngirim telik sandhi saperlu nylametaké nyawané. Nanging, Tobin Keller (Sean Penn) sing ditugasi malah cubriya yèn kabèh laporan kuwi digawé-gawé, awit saka latar wuriné Silvia ana sambung-raketé karo samubarang ngenani tlatah kuwi. Keller nganggep Silvia duwé niyat nggolèk kawigatèn lan péngin nggagalaké karawuhané Zuwanie. Silvia sansaya kapojok nalika ana sawijiné foto sing ngatonaké dhèwèké lagi ing orasi. Keller mesthèkaké yèn Silvia kuwi mungsuhé Zuwanie saéngga bisa nggagalaké tekané ing New York.
Uga delengen
besutRujukan
besut- ↑ Indosiar: Indosiar: The Interpreter Archived 2015-07-10 at the Wayback Machine., diakses 10 Juli 2015
- ↑ Kapan Lagi: Kapan Lagi: The Interpreter, ahli bahasa dan agen rahasia berpadu gagalkan pembunuhan, diakses 10 Juli 2015
- ↑ News BBC: Diplomat's movie hopes dashed, diakses 10 Juli 2015
- ↑ News BBC: "Zimbabwe accuses CIA of film plot", diakses 10 Juli 2015
- ↑ Herald: Herald: The Herald, Zimbabwe, diakses 10 Juli 2015
Pranala njaba
besut- Situs jaringan resmi
- The Interpreter ing Internet Movie Database
- The Interpreter ing AllMovie
- The Interpreter ing Rotten Tomatoes
- The Interpreter ing Box Office Mojo
| Artikel iki minangka artikel rintisan. Kowé bisa ngéwangi Wikipédia ngembangaké. |