Unadon

Unadon atau unagidonburi (鰻丼, Unadon atau unagidonburi^?) ya iku masakan Jepang awujud sega kang diwènèhi unagi (sidat Jepang) kang dimasak kanthi cara kabayaki. Ing ndhuwure sega digebyur saus (tare) kang rasané legi supaya sedhep. Sadurungé dipangan, ing ndhuwure unadon diwènèhi bubuk andaliman sithik.

Unadon うな丼

Saos digawé saka campuran gula pasir lan kecap asin, sanajan padatan uga ditambah campuran liya. Andaliman (jeneng Jepang:sanshō) diwurake ing sandhuwure unadon kanggo ngilangi ambu amonia kang kadhang-kadhang metu saka daging sidat Jepang kang akèh gajihe. Bubuk andaliman uga bisa ngelongi ambu gajih. Ing set menu ing restoran, unagi kabayaki utawa unadon padatan disuguhake bebarengan karo sup bening (kimosui) kang isiné ati sidat Jepang.

Ana uga cara nyuguhake unagi kang dijenengi dhedhasar karo wadhahe. Sega lan unagi kang disuguhake ing sajeroning kothak jibako diarani unajū. Dibandingake unadon, unajū nduwé citra minangka panganan larang. Ing Nagoya lan sakupenge ana masakan jenenge hitsumabushi.

Unaju

Unagi kabayaki diprecaya minangka panganan kang nduwé gizi kanggo nambah stamina sadawaning mangsa panas ing Jepang. Unagi kabayaki akèh dipangan ing dina Doyō no Ushi mangsa panas (watara minggu kaping telu sasi Juli).

Uga delengen

• Donburi