William Harvey
William Harvey (lair 1 April 1578 – pati 3 Juni 1657 ing umur 79 taun) inggih punika dhokter ingkang njlèntrèhaken sistem peredaran rah ingkang dipunpompa déning jantung dhateng badanipun manungsa.[1][2] William Harvey lair ing kutha Folkstone, Inggris.[2] Karyanipun ingkang misuwur ingkang awujud buku kanthi irah-irahan An Anatomical Treatise on the Movement of the Heart and Blood in Animals (Gerak otomatis anatomi jantung lan getih kéwan]] dipunterbitaken taun 1628.[2] Buku punika dados buku ingkang awrat tumraping sajarah fisiologi ing donya. Buku punika dados “titik mula” lairipun ngèlmu fisiologi modhèren.[2]
| William Harvey | |
|---|---|
 William Harvey | |
| Lair | 1 April 1578 Folkestone |
| Pati | 3 Juni 1657 (umur 79) Roehampton |
| Bangsa | English |
| Kondhang ing | Systemic circulation |
| Karièr ngèlmiah | |
| Babagan | Pangobatan Psikologi |
| Juru pamrayogya dhoktoral | Hieronymus Fabricius |
Werdinipun jasanipun William Harvey inggih punika sampun damel lelandhesan ingkang njlèntrèhaken kados pundi makarya badhanipun manungsa.[1] Wiwitanipun Harvey gadhah pamanggih bab sirkulasi getih punika kanthi damel etangan miturut cara arithmatik ingkang prasaja kemawon.[1] Panjenenganipun gadhah pangira-ira manawi cacahipun getih ingkang dipunpancaraken déning saben denyut jantung inggih punika watawis 2 ons.[1] Amargi jantung punika gadhah ping 72 denyutan saben menit, cacahipun saged dipunetang dados 540 pon getih dipunpancarae saben jam dhateng aorta.[1] Nanging cacahipun ingkang 540 pon punika langkung saking abot badhanipun manungsa ingkang normal.[1] Amargi punika tumraping Harvey, getih ingkang sami saged tetep anggènipun muter nglewati jantung.[1] Sasampunipun ngrumusaken hipotesa punika, sadangunipun sangang taun panjenenganipun nglaksanakaken percobaan-percobaan kanggé neliti sistem ilinipun getih (peredaran darah).[1]
Cathetan suku
besutPranala njawi
besut| Wikimedia Commons duwé médhia ngenani William Harvey. |