Wong Kubu
Wong Kubu utawa dikenal uga kanthi jeneng Suku Anak Dalam utawa Orang Rimba iku salah siji bebrayan minoritas kang urip ing Pulo Sumatra, persisé ing Provinsi Jambi, Sumatra Kidul. Wong Kubu racaké manggon ing provinsi Jambi, kira-kira cacahé watara 200.000 orang.
| Gunggung cacah jiwa | |
|---|---|
| (kurang luwih 200.000 (1996)) | |
| Tlatah mawa cacah jiwa akèh | |
| Jambi, Indonesia | |
| Golongan ètnik magepokan | |
| Wong Melayu, Wong Minangkabau. |
Miturut tradhisi lésan wong Anak Dalam minangka wong Maalau Sesat, kang lumayu menyang alas ing saubengé Air Hitam, Taman Nasional Bukit Duapuluh, sabanjuré diarani Moyang Segayo. Tradisi liya nyebutaké yèn wong Kubu asalé saka Pagaruyung, kang ngungsi menyang Jambi. Bab iki dikuwataké anané kanyataan yèn basa lan adat wong Anak Dalam mèmper karo basa lan adat Wong Minangkabau, contoné bab adat sistem matrilineal.
Lumrahé wong Kubu urip ing 3 wewengkon ekologis kang béda-béda, ya iku antarané Wong Kubu kang ana ing lor Provinsi Jambi (saubengé Taman Nasional Bukit 30), Taman Nasional Bukit 12, lan wewengkon kidul Provinsi Jambi (sadawané dalan lintas Sumatra). Wong Kubu urip kanthi nomaden lan golèk pangupa jiwa kanthi ajag lan ngramu, sanadyan wiwit akèh kang duwé lahan karèt lan tetanèn liyané.
Kauripan wong Kubu nyedhihaké banget mligi kanthi sudané sumber daya alas kang ana ing Jambi lan Sumatra Kidul, lan prosès-prosès marginalisasi déning pamaréntah lan bebrayan dominan (Wong Melayu) kang ana ing Jambi lan Sumatra Kidul.