Wuni

Wuni
Wuni
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Malpighiales
Famili:	Phyllanthaceae
Tribe:	Antidesmeae
Subtribe:	Antidesminae
Génus:	Antidesma
Spésies:	A. bunius
Jeneng binomial
Antidesma bunius (L.) Spreng.

Wuni (Antidesma bunius (L.) Spreng.) iku salah siji wit kang isih sakulawarga karo Euphorbiaceae. Jeneng lokal wuni ya iku Barune, huni, h. gedeh, h. wera (Sunda, Burneh (Madura), buni, katakuti, kutikata (Maluku), Bune tedong (Makasar), U ye cah (China).

Wit wuni dhuwuré 15–30 m. Wité duwèni pang sedheng lan sumebar ing Asia Tenggara lan Australia, ing Jawa thukulé alasan ing alas, uatawa tinandur ing kebon. Saliyané iku, wit iki bisa ketemokaké ing dataran cendhèk kang dhuwuré 1.400 m dpi. Godhongé tunggal, pangé cekak, wujudé bunder sungsang nganti lanset, dawané 9–25 cm, pinggiré rata rada bergelombang, pucuké lancip, pangkal tumpul. Godhong nomé awarna ijo nom, yèn wis tuwa awarna ijo tuwa. Buni omahé loro, kembang sajeroning tandan, metu saka ketiak godhong utawa ing pucuké pang. Wohé cilik-cilik dawané 1 cm, wujudé èlips awarna ijo, yèn mateng awarna wungu semu ireng lan rasanè legi rada kecut. Winihé pipih kanthi rusuk awujud jala. Godhong nomé rasané kecut, bisa digawé janganan utawa didhahar mentehan minangka lalaban. Woh nomé dirujak karo woh liyané, yèn kang mateng bisa langsung didhahar, diekstrak kanthi brandi, digawé selai utawa sirop. Godhong wuni diarani mojar, padatan kanggo campuran ramuan jamu keséhatan. Wit wuni ditandur kanthi cara nybaraké winih utawa okulasi.

Mupangaté woh wuni ya iku kanggo njaga kasarasan mripat amarga duwèni kandhutan vitamin A kang akèh, bisa nglancaraké saluran pencertaan lan ncegah bebelen, minangka Antioksidan lan njaga kekebalan awak.

Woh wuni duwé kasiyat bisa nambani lelara kurang darah, darah kotor, hipertensi, Jantung dheg-dhegan, watuk, Ganguan pencernaan, Sifilis, Kencing nanah,