Yakisoba
Yakisoba [1](ソース焼きそば, sōsu yakisoba, soba goreng saus) iku mi goreng saka Jepang[2] kang digawé saka bahan mi, kubis, jejanganan lan daging, ditambahi bumbu saus uster utawa saus yakisoba.
Bahan liyané kang ditambahaké ing yakisoba ya iku bawang bombay, wortel, benishōga (acar jahe), tenkasu, urang garing, bubuk katsuobushi, aonori (bisa uga diwènèhi nori kang wis dikethok-kethok) lan mayonès minangka penyedap. Mrica lan uyah mung dienggo kanggo mbumboni daging sadurungé digorèng.[3]
Sanajan jenengé yakisoba (soba goreng), yakisoba nganggo mi kang wis dikukus mateng saka bahan tepung terigu, lan dudu soba kang digawé kaya mi goreng. Yakisoba bisa didhahar langsung (tanpa diwènèhi apa-apa) minangka lawuh.
Yakisoba iku panganan rakyat kang padatan sakabèhing panggonan ana kang ngadol Yakisoba ing Jepang. Asalé saka mi goreng ala Tionghoa, Chow Mein kang dimathukaké karo selera lokal. Panganan iki wiwit didol ing pasar gelap sawisé Perang Dunia II. Yakisoba banjur akèh didol ing kios-kios panganan lan ombé-ombèn kang ana ing pasisir lan misuwur minangka panganan kang didhahar sawisé langi. Sabanjuré, yakisoba wiwit didol ing kios kaki lima nalika ana ramé-ramé utawa matsuri lan misuwur nganti tekan sepréné.
Cathetan sikil
besut| Wikimedia Commons duwé médhia ngenani Yakisoba. |
- ↑ maruchan.com Archived 2011-08-30 at the Wayback Machine. Yakisoba
- ↑ japanesefood.about.com[pranala mati permanèn] Yakisoba
- ↑ rasamalaysia.com Yakisoba (Japanese Fried Noodles/焼きそば)
Pranala njaba
besut- Resep yakisoba Archived 2006-08-08 at the Wayback Machine.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |