Wortel
| Wortel | |
|---|---|
| |
| Panenan wortel | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Apiales |
| Famili: | Apiaceae |
| Génus: | Daucus |
| Spésies: | D. carota |
| Jeneng binomial | |
| Daucus carota L. | |
Wortel iku salah sijiné tetuwuhan kang duwé akèh baget vitamin c lan karokèn.[1] Salah sijiné jinis antioksidan kang banget wigatiné kanggo sèhaté mripat.[1] Saliayané iku uga bisa kanggo njaga-jaga saka lara jantung sarta sapérangan jinisé kangker.[1] Siji wortel mentah kang aboté sedeng iku kira-kira bisa nyukupi kabutuhan vitamin A awaké dhéwé.[2] Amarga ana zat kang jenengé bétarotén kang banget dhuwuré, apik banget kanggo kesarasan mripat kita.[2] Saliyané iku uga duwé kalori kang saben tugelané wortel kira-kira 10 cm, duwé 52 kalori, lan 12 gram karbohidrat.[2] Rasa legi kang ana ing wortel ora marahi awakè dhèwè dadi lemu.[2] Amarga iku saka gula asli kang digawé saka serat lan karbohidrat kang jangkep.[2] Ing gula asli iki uga duwé manéka warna vitamin lan mineral.[2] Mupangat kang bisa dijupuk saka wortel yaiku bisa dadékaké séhat pencernaané awaké dhéwé.[2] Wortel iki nduwé zat fakarinol kang bisa biyantu kanggo jaga-jaga saka kangker usus.[2] Wortel uga bisa dadi sarana ngresiki lan nguwataké ati awaké dhéwé, mula bisa gawé ndhuwuraké kabéh fungsiné sitemé awak.[3] Dr. Kirsten Brandt nuturakĮ yèn ta mupangaté wortel iku bisa ilang yèn ta ora ngerti kepriyé carané ngolah kang apik.[3] sapérangan wong peneliti saka Newcastel, Inggris nuturaké yèn ta cara ngolah wortel kang apik yaiku ora dikethok-kethok dadi cilik-cilik.[3]
Prof Kendhal Hirschi, yaiku salah sijiné wong kang dadi peneliti ana Baylor Collage of Medicine AS, wara-warakaké manawa kasil tuwuhan wortel kang diolah kanthi rekayasa génétik ndadèkaké tambahing zat kalisium.[4] Wong kang seneng madhang wortel anyar iki bakal bisa duwé luwih 41% kalsium yèn ta dibandingaké karo wortel sing racaké.[4] Saka wara-wara iki muga-muga bisa biyantu jaga kesarasan, kaya ta lara balung lan osteoporosis.[4] Tetuwuhan iki apik banget yèn dikanggoké diet kang bisa mudhunké aboté awak wong sing kelemon.[5] Amarga wortel iku duwé kalori kang cendhèk, nanging akèh seraté lan banyuné.[5] Mula bisa mbiyantu maregaké weteng kang bisa ngedhemké rasa luwé kang rada suwé.[5] Apiké manèh saka prakara iku bisa ngilangi rasa kepèngin ngemil panganan kang ora apik kanggo awak.[5]
Pranata Njaba
besut- Processing Carrot Research Program, Nova Scotia Agricultural College Archived 2006-10-04 at the Wayback Machine.
- BetaSweet purple carrot Archived 2008-12-31 at the Wayback Machine.
- World Carrot Museum[pranala mati permanèn]
- Carrots at The World's Healthiest Foods Archived 2006-10-25 at the Wayback Machine.
Cathetan suku
besut- ↑ a b c health.kompas.com (Kaundhuh tanggal 30 April 2011)
- ↑ a b c d e f g h suaramerdeka.com Archived 2010-04-13 at the Wayback Machine. (Kaundhuh tanggal 8 Mèi 2011)
- ↑ a b c suaramerdeka.com (Kaundhuh tanggal 8 Mèi 2011)
- ↑ a b c suaramerdeka.com Archived 2011-02-07 at the Wayback Machine. (Kaundhuh tanggal 8 Mèi 2011)
- ↑ a b c d lain mengkonsumsi wortel[pranala mati permanèn] (Kaundhuh tanggal 11 Mèi 2011)