Yokohama Landmark Tower

Bangunan ing Yokohama, Jepang

Koordhinat: 35°27′17″N 139°37′54″E / 35.45472°N 139.63167°E / 35.45472; 139.63167

Yokohama Landmark Tower (横浜ランドマークタワー?) inggih punika gedung pencakar langit ingkang wonten ing Minato Mirai 21, Yokohama, Jepang. Landmark Tower punika gedung paling inggil ing Jepang saking taun 1993.[1][2] Gedung punika kaginakaken minangka kantor, hotèl, lan mal (Landmark Plaza).

Yokohama Landmark Tower
Lokasi Minato Mirai 21, Yokohama, Jepang
Status Selesai dibangun
Dibangun 1990-1993
Panggunaan hotèl, perkantoran, aula serbaguna, pusat perbelanjaan, lantai pengamatan
Payon 295.8 m (970 ft)
Detail teknis
Gunggung lantai 70
Area lantai 392,000 m2 (4,219,000 sq ft)
Gunggung elevator 79
Perusahaan
Arsitèk Stubbins Associates
Kontraktor Shimizu Corporation, Mitsubishi Estate

Pambangunan gedung kawiwitan saking tanggal 20 Maret 1990 lan rampung ing tanggal 16 Juli 1993. Gedung mawi 70 lantai punika dhuwuripun 296,3 m lan kalebet gedung paling inggil angka 60 ing donya.[3] Bibar rampungipun Tokyo Sky Tree (634 m) nalika taun 2012, Landmark Tower dados struktur paling inggil angka tiga ing Jepang. Dhuwuring gedung punika taksih ing sangandhaping Menara Tokyo (333 m) lan Kreteg Akashi-Kaikyo (dhuwuripun cagak utama: 298,3 m).

Landmark Tower wonten gedung menara mawi lantai 70 sarta 3 basemen lan 3 lantai payon ruwang mesin katambahan kaliyan gedung plaza kanthi 5 lantai (katambahan 4 lantai basemen). Wiyaripun sadaya yasan mau inggih punika 23.308 m² kanthi wiyaripun lantai 392.885 m²,[4] Arsitek gedung punika Hugh Stubbins and The Stubbins Associates, Inc lan Mitsubishi Estate minangka kontraktor.

Lantai kanggé pangamatan wonten ing lantai 69 kirang langkung 40 detik kanthi nitih lift damelanipun Mitsubishi Electric kanthi cepetipun 750 m/menit (45 km/jam). Lift naté dipuncathet Guinness World Recordsminangka lift paling rikat ing donya sadèrèngipun kalah kaliyan lift ing Taipei 101 saking Taiwan.[5]

Dockyard Garden punika nama taman ingkang wonten ing kompleks Landmark Tower. Taman punika dipunyasa saking tilasing dok kapal dagang ingkang dipunrancang déning insinyur angkatan laut Ryūsaku Tsunegawa.[6] Dok ingkang sampun dipunéwahi dados Dockyard Garden punika dok No. 2 ingkang wiwit dipunyasa nalika taun 1895 lajeng rampung ing taun 1896.[7]

Nalika taun 1965, ukuran kapal-kapal sansaya ageng saéngga pangginaan dok punika wiwit mandhap dumugi boten dipun-ginakaken malih saking taun 1973.[6] Bibar Pamaréntah kutha Yokohama ing wulan April 1989 netepaken dok No. 2 minangka yasan ingkang ngandhut aji sajarah. Lajeng wonten pambongkaran dok saking wulan 1990.[7] Sasampunipun dipunbongkar banjur dipunrestorasi ingkang kapungkasan nalika wulan Juli 1990.[7] Lajeng dok punika dados taman ing kompleks Landmark Tower. Dockyard Garden dipuntetepaken dados Aset Budaya Wigati Jepang nalika wulan Dhésèmber 1997.[7]

Fasilitas besut

  • Lantai pengamatan Sky Garden: lantai 69 (272 m)
  • Lantai paling dhuwur (lantai 70): Sky Lounge (ruwang resepsi hotèl)
  • Yokohama Royal Park Hotèl: basemen 1, lantai 1, lantai 49-68, lantai 70, lantai 1-4 (ruwang resepsi)
  • Kantor-kantor: lantai 1-48
  • Klinik: lantai 7
  • Fasilitas umum utawi ruwang pamèr: sapérangan basemen 1-lantai 35
  • Landmark Plaza: basemen 2-lantai 5 (gedung plaza)
  • Landmark Hall: lantai 5 (gedung plaza)
  • Dockyard Garden: basemen 2-lantai 1
  • Papan parkir: basemen 3-basemen 1

Cathetan suku besut

  1. "Landmark Tower". Skyscraperpage.com.
  2. "Yokohama Landmark Tower". Emporis.com.
  3. "Official World's 200 Tallest High-rise Buildings". Emporis.
  4. "建築概要(Facilities Outline)". The Landmark Tower.
  5. "Taipei 101". Emporis.
  6. a b "ドックヤードガーデンについて". Yokohama Landmark Tower.
  7. a b c d "ドックヤードガーデンの歴史 History of Dockyard Garden". Yokohama Landmark Tower.

Ugi pirsani besut

Pranala njawi besut


Records
Kang sadurungé
Gedung Pamaréntah Metropolitan Tokyo No. 1
Gedung tertinggi di Jepang
296 m (970 kaki)
1993–sekarang
Kang sawisé
-