Addie Muljadi Sumaatmadja
Addie Muljadi Sumaatmadja kang kondhang uga karo jeneng Addie MS (lair ing Jakarta, 7 Oktober 1959; umur 65 taun) ya iku salah sijining wong kang ngedegaké Twilite Orchestra lan nganti saiku isih ngurusi, lan duwé kalungguhan dadi konduktor orkestra. Ora mung dadi konduktor, Addie uga misuwur minangka pianis, komposer, arranger, lan prodhuser musik.[1] Dhèwèké seneng karo musik katurunan saka embahé, Muhammad Susilo, ya iku violis kang kondhang dadi planalog kang ngerancang kutha satelit Kebayoran Baru.[1] Addie tau nyinaoni piano klasik karo Mrs. Rotti.[1] Addie anggoné sianu musik iku kanthi cara otodidak, kaya ta babagan orkestrasi, conducting, lan recording engineering.[1]
| Addie MS | |
|---|---|
| Latar wuri | |
| Jeneng lair | Addie Muljadi Sumaatmadja |
| Lair | Oktober 7, 1959 Jakarta, Indonésia
|
| Pakaryan | penyanyi, aktor, konduktor, komposer, arranger, prodhuser |
| Taun aktif | 1994 - sekarang |
| Pasangan | Memes |
| Anak | Kevin Aprilio Tristan Juliano |
Amarga bapaké ora sarujuk manawa dhèwèké ndadèkaké musik dadi sumber uripé, dhèwèké tetep semangat anggoné kreatif ing donya musik.[1] Kanggo luwih ngerti babagan musik, Addie mèlu sekolah-sekolah musik kaya ta, Recording Engineering Workshop ing Ohio nalika taun 1984 lan Conducting Workshop kang ditindakaké ning American Symphony Orchestra League ning Los Angeles nalika taun 1995.[1]
Addie ing indhustri musik Indonésia kanthi tenana diwiwiti nalika taun 1979 dadi arranger utawa prodhuser kanggo album-album rekaman para penyanyi pop.[1] Penyanyi kang tau direwangi déning dhèwèké ya iku Vina Panduwinata, Harvey Malaiholo, Utha Likumahua, Chrisye, nganti penyanyi saka nagara-nagara manca, kaya ta Suzanne Ciani saka Amérikah Sarékat.[1]
Akeh bebungah kang wis ditarima déning dhèwèké kaya ta bebungah 3 Golden Trophy BASF Awards, dadi penata musik paling apik, 2 Golden Records kanggo albume Vina Panduwinata, lan 2 Silver Records kanggo albume Chrisye.[1] Addie uga nggawe 3 orkestra ing album Dream Suite karya Suzanne Ciani, kang dinominasiké ing Grammy Awards ka-38 dadi The Best New Age Album.[1]
Addie uga tau dadi tukang nata musik lan konduktor ing Festival Internacional de la Cancion, Chile, nalika taun 1983 lan music director kanggo BASF Awards sawisé 7 taun bola-bali.[1] Addie uga dipercaya dadi ketuwa Manila Philharmonic ing acara Miss Asean nalika taun 2005.[1] Addie bebarengan karo Oddie Agam lan pangusaha Indra Usmansjah Bakrie, nalika taun 1991 ngadegaké Twilite Orchestra.[1] Wiwit taun 1995, Twilite Orchestra wis kaserat dadi anggota American Symphony Orchestra League.[1]
Addie duwé kepinginan kanggo ngenalaké musik simfoni ing masarakat Indonésia.[1] Bebarengan karo Youk Tanzil, taun 1998 Addie nggawe rekaman Simfoni Negeriku.[1] Addie dhaup karo penyanyi Memes tanggal 13 September 1987, lan wis nduwé anak loro, Kevin Aprilio lan Tristan Juliano.[1]
Sasi Juni taun 2011, Addie lan Harry Kiss (bapak saka Vidi Aldiano) nganakake pagelaran kanggo pelatihan Sound System.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |