Wikipédia

Adjie Notonegoro

Adjie Notonegoro (lair ing Jakarta, 18 Juli 1961; umur 63 taun) ya iku salah sijiné wong kang ngrancang busana kang misuwur ing Indonésia.[1] Adjie ya iku anak saka pasangan Djati Prayitno lan Ibu Ami.[1] Sandhangan kang digawé Adjie Notonegoro wis dianggo wong-wong kang misuwur ing kalangan artis, bintang filem, nganti kepala nagara kaya ta Gus Dur (Abdurahman Wahid), Bill Clinton, nganti Fidel Castro.[1] Adjie tau sinau ing sekolah mode Mueller und Sohn ing Jerman, banjur sekolah ing Paris lan Italia kanggo nambah ilmuné.[1] Sawisé rampung sinau ing mancanagara, Adjie Notonegoro banjur bali menyang Indonésia lan mbukak butik ing taun 1986.[1] Adjie Notonegoro nduwé anak kang cacahé loro.[1] Anak-anaké jenengé ya iku Kevin lan Andrew.[1] Adjie iku pakliké designer lan presenter Indonésia kang jenengé Ivan Gunawan.[1]

Adjie Notonegoro
Adjie Notonegoro
Latar wuri
Lair (1961-07-18) Juli 18, 1961 (umur 63)
Indhonésia, Jakarta
Anak Kevin
Andrew

Kasus

besut

Nalika wiwitan sasi Mèi taun 2009 Adjie kudu duwé urusan karo pulisi. Iki amarga Adjie Notonegoro dilaporaké karo rekan bisnisé dhéwé kang jenengé Yusuf Wachyudi. Miturut Yusuf, Adjie wis nyilah dhuwit kang cacahé Rp 147 yuta karo Yusuf. Dhuwit iki kanggo nggawé sragam punggawa Bank Rakyat Indonesia. Nanging Adjie durung bisa nglunasi utangé kang akèh iku.

Tanggal 16 Juli 2010 Adjie uga dicekel pulisi amarga kasus apus krama.[2] Adjie utang karo tengkulak utawa rentenir.[2] Adjie Notonegoro utang kang cacahé akèh karo rentenir iku.[2] Nanging bunga kanggo mbayar utang iku cacahé banget gedhéné.[2] Sajeroning setaun cacahé bunga utang nganti 300 persèn.[2] Dhuwit kang disilah saka rentenir iku digunakaké Adjie Notonegoro kanggo bisnis.[2] Sidhang kang sepisanan dianakaké ing ruwang utama Pengadilan Negeri Jakarta Selatan.[2] Ing sidhang iku, Adjie rada kabotan yèn kasusé iki digolongaké ing tindak pidana.[2] Adjie Notonegoro nerangake iki lumantar pengacarané.[2] Miturut Adjie, iku kasus perdata awit ana gandhéng cénéngé karo utang-piutang.[2] Adjie pungkasané dikunjara ing Lapas Cipinang amarga kasus iku.[2] Tanggal 27 Januari 2011 Adjie uga dicekel pulisi amarga dakwan kasus penggelapan uang.[3]

Cathetan suku

besut
  1. ↑ a b c d e f g h detiknews.com(dipunundhuh tanggal 11 Juli 2011)
  2. ↑ a b c d e f g h i j k tempointeraktif.com(dipunundhuh tanggal 11 Juli 2011)
  3. ↑ detikhot.com(dipunundhuh tangal 11 Juli 2011)


Dijupuk saka "https://jv.wikipedia.org/w/index.php?title=Adjie_Notonegoro&oldid=1416015"